:: TVU ::

190

யுத்த காண்டம்

9519.	'குடைக்கு எலாம், கொடிகட்கு எல்லாம், கொண்டன
	குவிந்த கொற்றப்
	படைக்கு எலாம், பகழிக்கு எல்லாம், யானை தேர்
	பரிமா ஆதி
	கடைக்கு எலாம், துரந்த வாளி கணித்ததற்கு
	அளவை காட்டி
	அடைக்கலாம் அறிஞர் யாரே?' என்றனர் முனிவர்,
	அப்பால்.

அப்பால் முனிவர்- தள்ளி அப்பால் நின்ற முனிவர்கள்; குடைக்கு எலாம்- எல்லாம் குடைகளுக்கும்; கொடிகட்கு எல்லாம் - எல்லாக் கொடிகளுக்கும்; கொண்டன- அவற்றைப் பற்றிக் கொண்டிருந்தனவும்; குவிந்த - குவிந்தனவுமாகிய; கொற்றப் படைக்கு எலாம்- வெற்றி (நாடும்) படைக்கலங்களுக்கெல்லாம்; பகழிக்கு எல்லாம்- தன்னைத் தாக்க வருகின்ற அம்புகளுக்கெல்லாம்; யானை தேர் பரிமா ஆதி - யானைகள், தேர்கள், குதிரைகள் முதலான; கடைக்கு எலாம் - எல்லாவற்றிற்குமாக; துரந்த வாளி - இராமன் செலுத்திய அம்புகளை; கணித்து- அளவிட்டு; அதற்கு அளவை காட்டி- அப்படி அளவிட்டதற்கு அளவு இதுதான் என்று காட்டி; அடைக்கலாம் அறிஞர் யாரே?- முடிக்கக்கூடிய அறிஞர்கள் யார் இருக்கிறார்கள்? (இல்லை) என்றனர்.
(221)
9520.	கண்டத்தும் கீழும் மேலும், கபாலத்தும், கடக்கல்
	உற்ற,
	சண்டப் போர் அரக்கர்தம்மைத் தொடர்ந்து, கோல்
	புணரும் தன்மை -
	பிண்டத்தில் கரு ஆம் தன் பேர் உருக்களைப் பிரமன்
	தந்த
	அண்டத்தை நிறையப் பெய்து குலுக்கியது அனைய
	ஆன.

கடக்கல் உற்ற- கடந்து போகின்ற; சண்டப்போர் அரக்கர் தம்மை - கொடுமையாகப் போர் செய்யும் அரக்கர்களை; தொடர்ந்து- பின் தொடர்ந்து; கண்டத்தும் - அவர்களுடைய கழுத்திலும்; கீழும் மேலும்- அவர்தம் உடம்பின் கீழும் மேலும்; கபாலத்தும்- தலை ஒட்டிலும்; கோல் புணரும் தன்மை- அம்புகள்