சென்று சேர்ந்த  தன்மை; பிண்டத்தில் கருவாம் தன் பேர்
உருக்களை  -  பிண்டத்திலே    கருவாகியுள்ள தன்   பெரிய
படைப்புகளை;  அண்டத்தை  நிறையப் பெய்து- அண்டம்
நிறையும்படியாக இட்டு; குலுக்கியது அனைய ஆன- குலுக்கப்
பட்டவை போல அமைந்தன.
 

பல இடங்களிலும் கடந்து போகின்ற அரக்கர்களை கழுத்து,
மேல் கீழ் என்று   எல்லா   இடங்களிலும் அம்புகள் சென்று
கலக்கின்றன. பிண்டத்தில்   கருவாகிய   உருக்களைப் பிரமன்
பேரண்டத்திலே நிறைய இட்டு   நிரப்பிய தன்மை   போல -
அம்புகள்   கருக்கள்; அம்புகள்   கீழ் மேல் இடை எங்கும்
அரக்கர்களோடு   கலந்து    நிரம்பியுள்ளவை. கருக்களாகிய
உருக்களும் அண்டம் நிறையப் பெய்யப் பெற்றுள்ளன போலும்
எனப் பொருத்துக.
 

ஐ இரண்டு கோடி தொக்க- பத்துக் கோடிப் பேராகக் கூடி
நின்ற; படைக்கல மள்ளர்- படைக்கலங்களை ஏந்திய வீரர்கள்;
கூவி  -  ஆரவாரித்து; ஓர்    பக்கம் ஆக ஓடி  - ஒரு
பக்கத்தில் ஓடிச் சென்று;    உயிர் இழந்து உலத்தலோடும்-
உயிரை    இழந்து அழிந்த    நிலையில்; வீடி நின்று அழிவது
என்னே! விண்ணவர் படைகள் வீசி மூடுதும் இவனை என்று-
வீழ்ச்சி பெற்று    அழிவது    ஏன்?   தேவர்களிடம்    பெற்ற
படைக்கலங்களை எறிந்து இந்த இராமனை முற்றிலுமாக மறைத்து
விடுவோம் (மறைத்து அழித்திடுவோம்) என்று; யாவரும் மூண்டு
மொய்த்தார்- எஞ்சியிருந்த அரக்கர் எல்லாரும் பொங்கிச்
செறிந்தனர்.
 

(223)
 

தெய்வப் படைகளைத் தெய்வப் படைகளாலேயே இராமன் தடுத்தல்