எழுச்சியுற்ற  கவந்தத்திற்கு   ஏற்பக்  கைகளை; தொடக்கா
நிற்கும் பேய் - சேர்க்கா நிற்கின்ற பேய்கள்;  இலயத்தின்
தொழில் பண்ணி - தாளஒற்றுக்கு ஏற்ப  செயலைச் செய்து;
மடக்கோ  இல்லா வார் படிமக் கூத்து - சோம்பலில்லாத
நீண்ட  அபிநயக்  கூத்தை;  அமைவிப்பான் -  பொருந்தச்
செய்யுமாறு; நடக்கால் காட்டும்- நடனக் காலைக் காட்டுகின்ற;
கண்ணுளர் ஒக்கும் - பரத ஆசிரியனைப் போலும்.
 

கண்ணுளர் - கூத்தர்
 

'கவந்த மாடமுன்பு தங் களிப்பொ டாடு பேயினம் 

நிவந்த ஆடலாட்டுவிக்கும் நிமித்த காரர் போலுமே'
  

என்ற கலிங்கத்துப்  பரணிப்பாடலை (4.32) ஒப்பிட்டுக் காணலாம்.
பேய் கூத்தாசிரியனுக்கும் கவந்தம் கூத்துப் பயில்வோனுக்கும்
உவமை. 
  

நமரங்காள்- நம்மவர்களே!;  மழுவின் கூர்வாய் வன்பல்
இடுக்கின்- மழுவினுடைய கூரிய வாய் போன்ற வலிய பல்லின்
இடுக்கிலே நடனமிடும்  பேயின் கால்கள்; வயவீரர் குழுவின்
கொண்டு  -  வெற்றிவீரர்  கூட்டமாகக்  கொண்ட; அந்நாடி
தொடக்கப் பொறி கூட்டி - அந்த நரம்புகள் தொடக்குதலை
உடைய யந்திரம் போல; தழுவிக் கொள்ள - கட்டிக் கொள்ள;
கள்ளமனப் பேய்- வஞ்சக உள்ளமுடைய பேய்கள்; அவை
தம்மை நழுவிச் செல்லும் இயல்பின - அவற்றைத் தள்ளி
நழுவிப் போகின்ற தன்மையுடையதை; காண்மின் - பாருங்கள். 
 

(12)
 

பொன்னின் ஓடை- பொன்னாலாகிய நெற்றிப் பட்டத்தால்;
மின்பிறழ் நெற்றிப்புகர் வேழம்- ஒளிவிளங்கும் நெற்றியில்