இகல்முகத்து   இமையோர் தந்த   வென்றியாய்- போரில்
விண்ணவர் அளித்த வெற்றி  பெற்ற அரசே!; ஏவச் சென்ற ஆயிர
வெள்ளச் சேனை- நீ ஆணையிடப் போர்   புரியச் சென்ற ஆயிர
வெள்ளம் ஆகிய படை; புறத்தது ஆக நின்றுளார் - போர்க்களத்தில்
ஓர்புறமாக   நிற்க;   இராமன் கைநிமிர்ந்த   சாபம் ஒன்றினால்-
இராமன் திருக்கரத்திலே விளங்கும் வில் ஒன்றினால்; இரண்டு மூன்று
கடிகையின் உலர்ந்தது - ஆறு நாழிகைப் பொழுதில் சேனை முழுதும்
அழிந்தது; இன்று யார் விருந்து இங்கு உண்பார் என்றார்-
இப்போது யாரிங்கு விருந்துண்பார்கள் என்று கேட்டனர். 
 

வலிக்கடன் வான் உளோரைக் கொண்டு - கட்டளையாக
கடமையை   செய்யும் விண்ணுளோரைக் கொண்டு; நீ வகுத்த
போகம்- நீ உண்டாக்கிய போகத்தை; கலிக்கடன் அனிப்பல்
என்று- மகிழ்ச்சியின்    முறைமையால்    அளிப்பேன்  என;
நிருதர்க்குக் கருதினாயேல் - அரக்கர்க்கு அளிக்க எண்ணினால்;
பலிக்கடன்   அளிக்கற்பாலை   அல்லது  -  இறந்தவர்க்குச்
செய்யும்  பலிக்கடனளிக்கத்   தக்காய்   என்பதல்லது;  உன்
குலத்தின்   பாலோர்  -  உன்  குலத்தினைச் சேர்ந்தவர்கள்;
ஒலிக்கடல் உலகத்து இல்லை  -  ஒலிக்கின்ற கடல் சூழ்ந்த
உலகத்தில் யாரும்  இல்லை;  ஊர் உளார் உளரே உள்ளார் -
ஊரில்   உள்ளவர்கள்தாம் உயிருள்ளவராக   இருக்கின்றனர்
(எனத் தூதுவர் கூறினர்.) 
  

(10)
 

இராவணன் தூதர் பேச்சை ஐயுற்றுக் கூறுதல்