ஆண்டு அது கண்டு நின்ற தூதுவர்- அங்கு அதைப் பார்த்த
நின்ற தூதுவர்; ஐயா அந்த  இளவல் ஆவி - ஐயனே! இராமனின்
தம்பியாம்   இலக்குவனின் உயிர்; மாருதி   மருந்து  மெய்யில்
தீண்டவும் - அனுமன் கொணர்ந்த மருந்து உடம்பில் பட்டவுடன்;
தாழ்ந்தது இல்லை மீண்டது- சிறிதும் தாழ்க்காமல்   மீண்டது;
அச்செங்கணானை யாரும் பூண்டனர் தழுவிப் புக்கார்- சிவந்த
கண்ணுடைய இலக்குவனை எல்லோரும் சூழ்ந்து தழுவிக்  கொண்டு
சென்றனர்; காணுதி போதி என்றார்- சென்று பார்ப்பாயாக என்று
கூறினர். 
 

(18)
 

தேறிலன்- தூதர் சொன்னதை உண்மையென இராவணன்
தெளிவு  பெறவில்லை; ஆதலானே மறுகுறு   சிந்தை தேற-
ஆதலால் கலக்கமுற்ற  எண்ணம் தெளிய;  கனகத்து ஆரைக்
கோபுரத்து உம்பர் ஏறினன்- பொன்னால் செய்யப் பெற்ற உயர்
கோபுரத்தின் மீது ஏறினான்; எய்தி ஊறின சேனை வெள்ளம்
உலந்த பேர் உண்மை எல்லாம்- அடைந்து பெருகிய சேனை
வெள்ளம் அழிந்த பெரிய உண்மை முழுதும்; காறின உள்ளம்
நோவ - செருக்குற்ற தன் மனம் வருந்த; கண்களால் தெரியக்
கண்டான்- கண்களால் தெளிவாகப் பார்த்தான். 
 

(19)