கொய்தலைப் பூசல் பட்டோர் குலத்தியர்  -  பகைவரால்
கொய்யப்பட்ட (தம்  கணவரின்  தலையைக்  கண்டு   துன்புறும்
அரக்க மகளிர்; குவளை தோற்று நெய்தலை வென்ற வாள்கண்-
கரிய குவளை மலரையும் கரு நெய்தல் மலரையும்  வென்ற வாள்
போன்ற  கண்கள்;  குமுதத்தின்  நீர்மை  காட்ட  -  அழுது
சிவந்ததால் செங்குமுத  மலரின்  தன்மையைக் காட்ட; கய் தலை
உற்ற பூசல்- தம் கையால் தம் தலையில் அடித்துக் கொண்டிருக்கும்
அழுகை ஒலி; கடலொடு நிமிருங்காலை செய்தலை உற்ற ஓசைச்
செயலதும்- கடல்கள் எல்லாம் பொங்கிய காலத்து எழும் ஓசை
செய்யும் தன்மையை; செவியின் கேட்டான்- இராவணன் தன்
காதாற் கேட்டான். 
 

(20)
 

எண்ணும் நீர் கடந்த யானைப் பெரும் பிணம் ஏந்தி -
எண்ணும் தன்மையைக் கடந்த யானையின் பெரும் பிணங்களை
ஏந்திக் கொண்டு; யாணர் மண்ணின் நீர் அளவும் கல்லி -
புதிய ஊற்று நீர் உள்ள அளவும் தோண்டி; நெடுமலை பறித்து-
நீண்ட மலைகளைப் புரட்டி; மண்டும் புண்ணின் நீர் அறும் -
விரைந்து ஓடும் இரத்த ஆறும்; பல்பேய்ப் புதுப்புனல் ஆடும்
பொம்மல்- பலபேய்கள் புதிய நீர் எனக்குளிக்கும் பொலிவுடைய;
கண்ணின் நீர் ஆறும் - கண்ணில் வடியும் ஆறும்; மாறாக்
கருங்கடல் மடுப்பக் கண்டான்- தம் தன்மை மாறாது கரிய
கடலில் புகுந்து கலப்பதை இராவணன் பார்த்தான்.