விண்களில் சென்ற - (போரில் இராமன் விடுத்த அம்பால்
இறந்து)  வானுலகில்  புகுந்த; வன்தோள் கணவரை- வலிய
தோளுடைய கணவர் உடலிலுள்ள; அலகை வெய்ய புண்களில்
கைகள் நீட்டி- பேய்கள்  இறந்தவர் உடலில் விரும்பத் தக்க
புண்களில் தம் கைகளை நீட்டி; புதுநிணம் கவர்வ நோக்கி -
புதிய கொழுப்பைக் கவர்வதைக் கண்டு; மண்களில் தொடர்ந்து
- அப்பேய்களைத் தரையில் துரத்திச் சென்று; வானில் பிடித்து - 
(பேய்கள் பறக்க)  வானத்தில் தொடர்ந்து சென்று பிடித்து; வள்
உகிரின்  -  பெரிய  நகங்களால்;  மானக் கண்களை - பெரிய
கண்களை;  சூன்று  நீக்கும்  -  தோண்டி எடுத்து நீக்குகின்ற;
அரக்கியர் குழாமும் கண்டான்  -  அரக்கியர்   கூட்டத்தையும்
பார்த்தான் இராவணன். 
 

(23)
 

விண்பிளந்து ஒல்க ஆர்க்கும்- வானுலகம் பிளந்து
அசையுமாறு ஆரவாரிக்கும்; வானரர் வீக்கம் கண்டான்-
வானர வீரர்களின் பெருக்கத்தைப் பார்த்தான்; மண்பிளந்து
அழுந்த  -  மண்உலகம்  பிளவுற்று அழுந்துமாறு; ஆடும்
கவந்தத்தின் வருக்கம் கண்டான்- ஆடுகின்ற தலையற்ற
உடல்களின் கூட்டத்தைப் பார்த்தான்; கண் பிளந்து அகல
நோக்கும்- கண்களை அகலமாகத் திறந்து போர்க்களத்தைப்
பார்க்கும்; வானவர் களிப்பும் கண்டான்- தேவர்களின்
மகிழ்ச்சியையும் பார்த்தான்; புண் பிளந்தனைய