கலை - கலை, அறிவையும் குறித்ததென்க. ''எத்தவம் செய்தேன்''  
என்றவிடத்துத்   ''தவம்''   என்ற   சொல்     எதிர்மறையாய்ப் 
பாவத்தைக் குறித்தது. 
 

ஐயனே! அழகனே! என் அரும் பெறல் அமிழ்தே- என் ஐயனே!
அழகிற்  சிறந்தவனே!  என்   பெறுதற்கரிய  அமிழ்தம்  போன்றவனே;
ஆழிக் கையனே, மழுவனே என்று- சக்கரப் படையை ஏந்திய கையை
உடைய  திருமாலும்,  மழுப்படையை  உடைய  சிவனும்;  என்று இவர்
வலி  கடந்த கால மொய்யனே! - என்று  சொல்லப்படுகின்ற  (முதல்
தேவர்களாகிய)  இவர்களின்  வலிமையை  வெற்றி  கொண்ட எமனைப்
போன்ற  வலிமையை உடையவனே!  உலகம்  மூன்றுக்கு  ஒருவனே!
செருவலோனே! - உலகம்  மூன்றினுக்கும்  ஒருவனாய்ச்  சிறந்தவனே!
போரில்  வல்லவனே; முளரி  அன்ன  நின்  முகம்  கண்டிலாதேன்
உய்வெனோ - தாமரை  மலர் போன்ற நினது  முகத்தைக்  கண்டிலாத
யான் உயிர் வாழ்ந்திருப்பேனோ? (வாழேன்).
 

ஆழி - சக்கரம், ஆழிக்கையன் - திருமால், மழுவன் - சிவன், 
செரு - போர். 
 

(48)
 

தாள் அரிச் சதங்கை ஆர்ப்பத் - (நின்) காலில் பரலோடு
கூடிய சதங்கை ஆரவாரிக்க;  தவழ்கின்ற பருவம் தன்னில் -