:: TVU ::

இராவணன் தேர் ஏறு படலம்

261

9649.	உரும் இடித்த போது அரவு உறு மறுக்கம், வான்
	உலகின்
	இரு நிலத்திடை, எவ் உலகத்திடை, யாரும்
	புரிதரப் படும் பொலங் கழல் இலங்குறப் பூட்டி;
	சரியுடைச் சுடர் சாய் நலம் சார்வுறச் சாத்தி;

உரும் இடித்த போது - இடி இடித்த போழுது; அரவுஉறு மயக்கம்- பாம்பு அடைந்த கலக்கம்; வான்உலகின் இருநிலத்தடை - விண் உலகிலும் பெரிய பூமியிலும்; எவ்வுலகத்திடை - எந்த உலகத்திலும்; யாரும் புரிதரப்படும் - யாவரும் அடையுமாறு ஒலிக்கும்; பொலங்கழல் இலங்குறப் பூட்டி - பொற்கழல்களை விளங்கும் வகையில் அணிந்து; சரியுடைச் சுடர் சாய்நலம் - சரிந்த உடையில் சுடர் வீழ்வதால் உண்டாகும் அழகு; சார்வுறச் சாத்தி - மேலும் விளங்க அணிந்து.
(8)
9650.	நால் - அஞ்சு ஆகிய கரங்களில் நனந் தலை
	அனந்தன்
	ஆலம் சார் மிடற்று அருங் கறை கிடந்தென,
	இலங்கும்
	கோலம் சார் நெடுங் கோதையும் புட்டிலும் கட்டி;
	தாலம் சார்ந்த மாசுணம் எனக் கங்கணம் தழுவ;

நால் அஞ்சு ஆகிய கரங்களில் - இருபது கைகளில்; நனந்தலை அனந்தன் - பெரிய தலையையுடைய அனந்தனின்; ஆலம்சார் மிடற்று அருங்கறை கிடந்தென - நஞ்சு தங்கிய கழுத்தில் அரிய கறை கிடந்தது போல; இலங்கும் - விளங்குகின்ற; கோலம்சார் நெடுங்கோதையும் - அழகுமிக்க நீண்ட தோற்கட்டும்; புட்டிலும் கட்டி - விரற்புட்டிலும் கட்டி; தாலம் சார்ந்த மாசுணம் என - நீண்ட நாவுடைய பாம்பு போல; கங்கணம் தழுவ- கங்கணத்தை அணிந்து;
(9)
9651.	கடல் கடைந்த மால் வரையினைச் சுற்றிய
	கயிற்றின்
	அடல் கடந்த தோள் அலங்கு போர் வலயங்கள்
	இலங்க;
	உடல் கடைந்த நாள் ஒளியவன் உதிர்த்த பொன்
	கதிரின்
	சுடர் தயங்குற, குண்டலம் செவியிடைத் தூக்கி;