தவழ்ந்து விளையாடுகின்ற இளம் பருவத்தில்; கோள் அரி
இரண்டு பற்றி - வலிமையுள்ள  சிங்கங்கள் இரண்டினைப்
பிடித்து; மாட முன்றினில் கொணர்ந்தனை-  மாடத்தின்
முற்றத்தில் கொணர்ந்தாய்; கொணர்ந்து கோபம் மூளுறப்
பொருத்தி- அவ்வாறு கொணர்ந்து அவற்றிற்குக் கோபம்
மூளுமாறு  ஒன்றோடு  ஒன்று  போர் செய்யுமாறு  விடுத்து; 
முறையின் ஓடி மீள அருவிளையாட்டு- முறையாக ஓடி 
மீளா நிற்க, அவ்விளையாட்டினை; விதியிலாதேன் இன்னம் 
காண்பெனோ- நல்லூழ்  இல்லாத  யான்  இனி  மேலும் 
காண்பேனோ?
 

அரி - சதங்கையின் உள்ளிடும் பரல். கோள் அரி - 
வலிமை பொருந்திய சிங்கம். ''அரி பொலி கிண்கிணியார்ப்
போவா வடி'' (கலி - 81, 6) ''சுடுபொன் வளைஇய ஈரமை
சுற்றொடு பொடியழல் புறந்தந்த செய்வுறு கிண்கிணி'' (கலி
85-1-2)     ''கிண்கிணி  களைந்த  கால்''   (புறம் 77-1)
முதலானவை காண்க.  இந்திரசித்தின்  இளம் பருவத்தில்
விளையாடிய அஞ்சாமையோடு   கூடிய விளையாட்டினை 
நினைத்து   மண்டோதரியின்    தாயுள்ளம்  தவிக்கின்ற 
தவிப்பினை இப்பாடல்  படம்  பிடித்துக்  காட்டும் நலன்
காண்க. 
 

'அம்புலி! அம்ம வா! என்று அழைத்தலும்-  (இளம்
பருவத்தில்  சந்திரனைக் கண்டு  நீ)  'அம்புலி!  அம்ம  வா!'
என்று அழைத்த அளவில்;  அமர்வெண்  திங்கள் இம்பர்
வந்தானை- விளக்கமுடைய வெண்திங்கள் இந்த உலகிற்கு
(நின்கட்டளையை மறுக்க அஞ்சி) வந்தவனை, 'அஞ்சல்' என 
இரு கரத்தின் ஏந்தி- 'அஞ்சாதே   எனக்  கூறியபடி இரு 
கைகளாலும் ஏந்திக் கொண்டு; வம்புறும் மறுவைப்  பற்றி- 
புதுமையாக உள்ள (நீ நினைத்த) களங்கத்தைப் பற்றி; 'முயல்' 
என வாங்கும் வண்ணம் - 'முயல்' எனக்  கருதி  எடுக்கும்
தன்மையைக்; காண ஏசற்றேன்- காணுதற்கு ஆசைப்பட்டேன்;
எம்பெருங்களிறே  எழுந்திராயோ -  எம்  பெரிய  களிறு
போன்றவனே