(அதனால்)   எங்கே  தங்கள் தாலி மங்கலக் கயிறு அறுபட்டுப்
போகுமோ எனத் தொட்டுப் பார்த்துக் கொண்டனர்.
 

சுரிக்கும் மண்டலம்  -  வானில்  சுழலும் சூரிய, சந்திர
மண்டலம்;   தூங்கு நீர்ச் சுரிப்பு   உற வீங்க  - மிகுந்த
நீருள்ள கடலிலே சுழற்சி உண்டாகிப் பொங்கவும்; இரைக்கும்
பல்லுயிர்   யாவையும் - ஆரவாரிக்கும் எல்லா உயிர்களும்;
நடுக்கமுற்று இரிய  - நடுங்கி நிலை கெடவும்; அனந்தன் -
ஆயிரந்   தலைகள்  கொண்ட  அனந்தன் எனும் பாம்பு; புரி
பரித்திலன்  - உலகைத் தாங்க  முடியவில்லை; படர்  சுடர்
மணித்தலை பலவும் - விரிகின்ற ஒளியுடைய மணிகள் பூண்ட
பல தலைகளும்; மீது விரித்து எழுந்தனன்  - மேலே படம்
விரித்து   எழுந்தனன்; என்பது   ஓர் மெய்யான்  - என்று
தோன்றும் வகையில்   ஒப்பற்ற உடலை உடையவன் ஆனான்
(இராவணன்).
  

(30)
 

சுரர்களோடு அசுரரே தொடங்கி- தேவர்களுடனே அசுரர்
தொடங்கி; மூன்று நாட்டினும்  உள்ளவர் யாவரும் முடிய -
மூவுலகிலும் உள்ளவர்   யாவரும் அழிய; செரு  ஊன்றினான்-
போரில்  மனம்  வைத்தான்; என்று   உயிர் உமிழ்தர உதிரம்
கான்று   -   என   உயிர்கள்  அழியவும்   இரத்தம் கக்கவும்;
நாட்டங்கள்- கண்கள்; வடஅனற்கு இருமடி கனல- வடவைத்
தீக்கு இருமடங்கு கொடுமையாய்த் தீ வீச.
 

தானவர் - அசுரர்   வேறு   அரக்கர்   வேறு,  இராவணன் 
அரக்கன்  ஆதலின் அவனுக்கு   அசுரர்   தேவர்   இருவரும்
எதிரிகளே. 
 

(31)