பதைக்கின்றது   ஓர்  மனமும் - நடுக்கமுறுகின்ற ஓர் உள்ளப்
பாங்கும்;    இடை   படர்கின்றது  ஓர்   சினமும் - இடையிலே 
பொங்கிப்  படர்கின்ற   கோபமும்;   விதைக்கின்றன   - எல்லாப்
பக்கங்களிலும்  தூவப்படுவதாகிய;  பொறி  பொங்கின விழியும் - 
நெருப்புத்   துளிகள்  எழும்  கண்களும்;   உடை -  பொருந்திய; 
வெய்யோன்-   கொடியவனாகிய   இராவணன்; குதைக்கின்றன-
குதை (என்னும் வில்) உறுப்பினின்றும் வெளி வரும் அம்புகள்; நிமிர் 
வெஞ்சிலை  குழைய- சொரிய நிமிரும்  கொடிய வில்  வளைத்து;
கொடும் கடும் கால்- துன்புறுத்தும் புயல் காற்றை; உதைக்கின்றன
- உற்பத்தி  செய்து  விடும்;  சுடர்  வெங்கணை- ஒளிமிக்க தீய 
அம்புகளை;  உரும் ஏறு என- இடியேறுகள் போல;  எய்தான் -
(சிலையினின்றும்) செலுத்தினான்.
 

குதை - கழுந்து, திரண்ட நுனி (வில் உறுப்பு).
 

(இராவணன் ஏவிய அம்புகள்), உரும் ஒப்பன- பேரிடி போன்றன; 
கனல்  ஒப்பன - நெருப்பை நிகர்த்தன;  ஊற்றம் தரு கூற்றின் - 
வலிமை மிக்க இயமனுடைய; மருமத்தினும் நுழைகிற்பன- மார்பிலும் 
ஊடுருவ  வல்லன;  மழை ஒப்பன - மழை போலப் பெருக வல்லன; 
வானோர் நிருமித்தன - தேவர்களால் உருவாக்கப் பெற்றன;  படை- 
எதிரிகள்    ஆயுதங்கள்;   பற்று  அற - செறிவு  அற்றுப்  போக; 
நிமிர்வுற்றன-   மேலேற வல்லன;   அமிழ்தப்  பெரு மத்தினை- 
அமுதம் (கடைவதற்காகத்  திருப்பாற்கடலில்  இட்ட)  பெருமத்தாகிய 
மந்தர மலையினை; முறை சுற்றிய-   முறையே (கடைகயிறாகச்) சுற்றிய; 
பெரும்பாம்பினும்- பெரிய பம்பாகிய வாசுகியைக் காட்டிலும்; பெரிய- 
உருவத்தில் பெரியன.
 

ஓசையால் இடியையும், அழிவால் நெருப்பையும் பெருக்கத்தால்
மழையையும்,   உருவத்தால்    வாசுகியையும்  நிகர்த்தனவாகிய
அம்புகள் தெய்வத்தன்மை உடையனவாகவும், சாவையும் கொல்லும்
திறனுடையனவாகவும் கூறப்பட்டன.
 

(47)