:: TVU ::

இராவணன் வதைப் படலம்

321

எழவிடு- தேரினை வானில் எழுமாறு செய்;விசும்பு சேமமோ? - (அவனுக்கு) வானம் பாதுகாப்பாகுமோ? (இல்லை); என்று கூறினான் - என மொழிந்தான்.
(60)
9764.	'அந்து செய்குவென்' என அறிந்த மாதலி
	உந்தினன், தேர் எனும் ஊழிக் காற்றினை;
	இந்து மண்டிலத்தின்மேல் இரவி மண்டிலம்
	வந்தென, வந்தது, அம் மானத் தேர்அரோ.

அறிந்த மாதலி - இராமபிரான் பெருமையை அறிந்துள்ள மாதலி; 'அந்து செய்குவென் - 'யான் அவ்வாறே செய்வேன்'; என- என்று; தேர் எனும் ஊழிக்காற்றினை- தேர் என்னும் பிரளய காலக் காற்றை; உந்தினன் - (மேலே) இயக்கினான்; அம் மானத் தேர்- அந்தப் பெரிய தேரும்; இந்து மண்டிலத்தின் மேல்- சந்திர மண்டலத்தின் மீது; இரவி மண்டிலம் வந்தென - சூரிய மண்டலம் வருவது போல்; வந்தது- (இராவணன் தேர் இருக்கும் இடத்துக்கு) வந்து சேர்ந்தது.
(அரோ - அசை) அந்து - அப்படி (தெலுங்குச் சொல்)
(61)
9765.	இரிந்தன மழைக் குலம், இழுகித் திக்கு எலாம்;
	உரிந்தன உடுக் குலம், உதிர்ந்து சிந்தின;
	நெரிந்தன நெடு வரைக் குடுமி; நேர் முறை
	திரிந்தன சாரிகை, தேரும் தேருமே.

தேரும் தேரும்- இராம இராவணாதியர் தேர்கள் இரண்டும்; சாரிகை நேர்முறை திரிந்தன- (வானில்) நேரான முறைகளில் சாரி திரிந்தன; (அதனால்) மழைக்குலம்- மேகக் கூட்டங்கள்; திக்கு எலாம் - திசைகளில் எல்லாம்; இழுகி - தளர்ந்து; இரிந்தன- கலைந்தன; உடுக்குலம் - விண்மீன் கூட்டங்கள்; உரிந்தன - இடம் பெயர்ந்து; உதிர்ந்து சிந்தின - பொடிப்பொடியாய்ச் சிதைந்தன; நெடுவரைக் குடுமி - உயர்மலைச் சிகரங்கள்; நெரிந்தன - நொறுங்கிப் போயின.
(62)
9766.	வலம் வரும்; இடம் வரும்; மறுகி வானொடு
	நிலம் வரும்; இடம் வலம் நிமிரும்; வேலையும்,