(அத்தேர்கள்  இரண்டும்)   வலம்   வரும் - ஒன்றையொன்று
வலமாகச் சுற்றும்; இடம் வரும்- இடமாகச் சுற்றி   வரும்; மறுகி- 
பல முறையும் திரிந்து;   வானொடு நிலம் வரும் - வானத்தையும்
நிலத்தையும் தொட்டு வரும்;  இடம் வலம்  நிமிரும்- (மற்றொரு 
 சமயம்)   இடப்புறம்   வலப்புறமாய் ஓங்கி வரும்; வேலையும் - 
கடல்களும்;   குலவரை அனைத்தும் -   மலைக்  குலங்களும்; 
அண்டமும்- இந்த அண்டவெளியும்;  குயவன திகிரி  தன்மை 
போல்- சுழலும்   இயல்பினதாகிய   குயவனது  சக்கரத் தன்மை 
போல;   அலம்   வரும் -  சுழன்று  நொந்து;   சலம் வரும்- 
நடுக்கமுறும்.
 

(63)
 

உழுந்து   உருள்  பொழுதின் - உழுந்து  உருளும் அச்சிறு 
பொழுதுக்குள்;   எவ்   உலகும் சேர்வன -  (அவ்விரு தேரும்)
எல்லா   உலகையும்  சுற்றி  வரும் தன்மையன; (ஆதலால்),  இது
எழும்புகழ்  இராமன் தேர்; அரக்கன் தேர்- இதுதான்    புகழ் 
மிக்க இராமனின்   தேர்இதுதான்   அரக்கனின்   தேர்; என்று - 
என்று; தழும்பிய தேவரும்- பழக்கமுள்ள தேவர்களும்;தெரிவு 
தந்திலர்- கண்டறிந்து   சொல்ல   இயலாதவராயினர்; பிழம்பின 
- ஒளிவடிவங்கள்; திரிவன-  சுழல்கின்றன; என்னும் பெற்றியார்
- என்று கூறும் தன்மையினராகவே இருந்தனர்.
 

தழும்புதல் - பழகியிருத்தல்
 

(64)