மாதலி   மார்பில்    தைத்தன- மாதலியின்   மார்பில்
பட்டனவாகிய; கோல் இனும் - அம்பு இன்னும்; வீரற்கு-
இராமனுக்கு; வெம்மையே விளைத்த- வருத்தத்தையே
விளைவித்தது.
 

இமைப்பு இல் கண்ணினார் - இமையா நாட்டம் பெற்ற
தேவர்கள்; மண்டில  வரிசிலை- மண்டிலமாக  வளைத்துக்
கட்டப்பட்ட (இராவணன்) வில்லிலிருந்து; வான வில்லொடு-
இந்திர  வில்போல  அமையுமாறும்;   துண்ட வெண்பிறை 
எனத் தோன்ற - பிளவுபட்ட பிறைக்கீற்றாகத் தோன்றுமாறும்
செய்து; தூவிய- ஏவி விடப்பட்ட;உண்டை வெங்கடுங்கணை 
- தொகுதி தொகுதியான  கொடிய  கடிய அம்புகள்; ஒருங்கு 
மூடலால்-  முழுமையான   (இராமனை)   மறைத்தமையால்; 
இராமனைக் கண்டிலர் - இராமனைக் காண இயலாதவரானார்.
 

(78)
 

(இராமனைக் காணாத)   ஆற்றல்   சால்   அமரரும் - 
வலிமை சான்ற தேவர்களும்; 'இனி- இப்பொழுது; தோற்றனனே' 
- தோல்வியுற்று விட்டானே; என்னும் தோற்றத்தால்- என்னும்
பிரமையால்;   அச்சம்   எய்தினார்- பயம்     கொண்டனர்;
வேற்றவர்- பகைவர்;   ஆர்த்தனர்- (மகிழ்ச்சி)   ஆரவாரம்
செய்தனர்; மேலும்   கீழரும்- மேலுலகிலும்    கீழுலகிலும்;
காற்று இயக்கு அற்றது- காற்றின் இயக்கமும் இல்லாதாயிற்று; 
அண்டம் கலங்கிற்று - அண்டம் முழுமையும் துணுக்குற்றது.
 

(79)