விண்ணுளோர் - விண்ணுலக   வாசிகளான  தேவர்கள்;
மெய்கொள் வேத விதிமுறை- சத்தியத்தைத்  தன்னிடத்தே
கொண்டுள்ள வேதத்திற்   கூறிய  சடங்கு   முறைகளின்படி;
தெய்வ   நீள்   புனல்  ஆடல் திருத்திட-   தெய்வத்
தன்மையுள்ள   புண்ணிய   தீர்த்தங்களினால்   அபிஷேகம்
செய்தலைச் செவ்வையாகச்  செய்ய; ஐயன் ஆணையினால்
- இராமனது கட்டளையின் வண்ணம்; இளங்கோளரி- இளைய
சிங்கத்தை ஒத்த இலக்குவன்; கையினால்- தன் திருக்கரத்தால்;
மகுடன் கவித்தான்- கிரீடத்தை வீடணன் தலைமேற் சூடினான்.
 

தத்துவ விளக்கம் தருதலின் வேதம் மெய்கொள் வேதம்
எனப்பட்டது. அரோ. அசை. 
 

விரியும்  வெற்றி  இலங்கையர்  வேந்தன் - நிறைந்த
வெற்றியை உடைய வீடணன்; கரிய குன்று  கதிரினைச் சூடி
ஓர் எரிமணித் தவிசில் பொலிந்து என்ன- கருநிறம் உள்ள
ஒரு மலை சூரியனைத் தலைமேல் அணிந்து  கொண்டு ஒப்பற்ற
பிரகாசிக்கிற  மணிக் கற்களால் ஆகிய பீடத்தில்  விளங்கினாற்
போல என்று சொல்லும்படி; தமர் ஆர்த்து எழ- உறவினர்கள்
மகிழ்ச்சி  ஆரவாரம்  செய்ய; அரியணைப் பொலிந்தான் - 
சிம்மாசனத்தில் அழகுற வீற்றிருந்தான்.
 

கரிய குன்று - வீடணன், கதிர் - முடி, எரிமணித் தலிசு -
சிம்மாசனம் எனக் கொள்க. ஏ, அசை. 
 

(7)
 

தேவர் - தேவர்கள்; பூ மழை- மலர் மழையையும்; சித்தர்
முதலினோர் - சித்தர் முதலானோர்கள்; மேவு காதல் விரை
மலர் - மிகுந்த அன்போடு  கூடிய  மணமிக்க  மலர்களையும்;
வேறு இலா மூவரோடு முனிவர் மற்று யாவரும் - தம்முள்
ஏற்றத்தாழ்வில்லாத