மும்மூர்த்திகளும் முனிவர்களும் மற்றுள்ள அனைவரும்; நாவில்
ஆசி நறை மலர் - தமது நாவால் கூறுகின்ற ஆசீர்வாதமாகிய
மணமிக்க    மலர்களையும்;  தூவினார்  -   வீடணன்  மேல்
சொரிந்தார்கள்.
 

சித்தர் - பதினென்கணத்துத் தேவசாதியில் ஒருவர். சித்தர்,
வித்தியாதரர்,  கின்னரர், கிம்புருடர், யக்ஷர், கந்தர்வர், கருடர்,
சாரணர் என்பவர்களைக் குறிக்கும். ஆசிச்  சொற்களை  மலர்
என்று உபசரித்தார். 
  

முடி புனைந்த-   கிரீடத்தை   அணிந்து   கொண்ட
(பட்டாபிஷேகம்  செய்து கொண்ட);  நிருதர்  முதலவன்
- அரக்கர் குலத் தலைவனாகிய வீடணன்; இளவலை அடி
வணங்கி -  இலக்குவனைக்   காலில் வீழ்ந்து   வணங்கி;
அந்நெடிய காதலினோர்க்கு- அந்த   பேரன்பையுடைய
இலக்குவனுக்கு; ஆண்டை- அவ்விடத்தே; உயர் நீர்மை
செய்து-   உயர்ந்த   உபசாரங்களை   எல்லாம்   செய்து;
இடிகொள் சொல்லன் - இடிமுழக்கம் போலக் கம்பீரமான
குரலை உடையவனாய்;  அனலற்கு- தன்  அமைச்சர்களில்
மூத்தவனாகிய அனலன் என்பானுக்கு; இது இயம்பினான்-
பின்வரும் வார்த்தைகளைச் சொல்லலானான்.
 

அனலன், அனிலன், அரன், சம்பாதி என்னும் நால்வர்
வீடணன் அமைச்சர்கள். (கம்ப. 6377) என்பது முன்னர்க்
கூறியது. அனலன் அவர்களுள் மூத்தவன்.
 

 (9)

(வீடணன்) விலங்கல் நாண மிடைதரு தோளினாய்!-
மலைகளும் வெட்கமுறும்படி அவற்றினும் பெரிதாக நெருங்கி