ஒழுக்கத்தில் என்றும் நிலைத்து நிற்பவனே!;  மூ  உலகும் தொழ
- மூன்று உலகத்தில் உள்ளாரும்  உன்னை  மதித்து  வணங்குமாறு;
உம்பர் தம் பெருமை- தேவர்களுடைய   பெருமைக்கும்;  நீதி-
அரச  நீதிக்கும்; அறன்  வழி- தரும வழிக்கும்;  பேர்கிலாது
-  (சிறிதும்)  மாறுபடாமல்;   இருமை  ஏய்  உரிமை   அரசு-
இம்மைக்குப் புகழும் மறுமைக்குப் புண்ணியமும்   தரத்தக்கதாக
உனக்கு உரிமையான இலங்கை அரசை; ஆளுதி- ஆள்வாயாக
என்றான்.
 

வேள்வி முதலியவற்றால்  தேவர்களை  நிறைவு  செய்தல் அரசர்
கடனாதலின  'உம்பர்தம்   பெருமை'க்கு ஒப்ப   அரசு  ஆளுதி
என்றான். இராவணன்  தேவர் சீற்றத்துக்கு ஆளாயினமை   அறிக.
வீடணன் சிரஞ்சீவியாதலின் 'ஈறிலா' என்னும் அடைமொழி
பொருந்தியது. 
 

தாயர் சொல்  நோக்கினான்-  தனது  சிற்றன்னையாகிய
கைகேயியின் சொல்லை மனத்தின்கண் எப்பொழுதும் நினைத்துக்
காத்தவனாகிய இராமபிரான்; பன்னும்  நீதிகள்  பல்பல கூறி-
திரும்பத் திரும்ப எடுத்துரைக்கப்படும் அறவுரைகள் பற்பலவற்றை
(வீடணனுக்குச்) சொல்லி;  உயர்கீர்த்தியோய் - மிக்க  புகழை
உடைய வீடணனே!  மற்று   உன்னுடைத்   தமரோடு- உன்
இனத்தவர்களோடு;  மன்னி  வாழ்க-  நிலைபெற்று   வாழ்க;
என்று உரைத்து- என்று சொல்லி; அடல் மாருதி தன்னை
நோக்கினன் - வலிமை படைத்த அனுமனை (ஒன்று 
சொல்லுதற்காக)ப் பார்த்தான்.
 

முதலில் நோக்கினான் என்பது மனத்தால் நோக்குதல்.
மாருதியை நோக்கல் கண்ணால் நோக்குதலாம். 
 

(13)
 

இராமன் அனுமனைச் சீதையிடம் அனுப்பல்