என உரைத்து- என்று (அனுமன்) சொல்லி (மேலும்);
எம்மோய்- எமது தாயே!; யான் மனவினில் சுடர் மாமுக
மாட்சியாள் திரிசடையாள் தனை ஒழித்து- நன்மணிக்கற்கள்
போல ஒளிவிடும் முகமலர்ந்த தோற்றமுடையாளாகிய திரிசடை
நீங்கலாக; இவ்வரக்கியர் தங்களை- (உங்களைப் பயமுறுத்தித் 
துன்பம் செய்த) இந்த அரக்கியர்களை; வினையினில் சுட 
வேண்டுவன் - கொடிய செயலால் சுட்டெரிக்க விரும்புகிறேன்.
 

மனவு - மணிகளுக்கான பொதுப்பெயர். மனவினில் என்பதற்கு
'மனம் போல' எனப் பொருள் உரைத்து, தூயதாகிய தன் மனம்
போல ஒளிவிட்டுப் பிரகாசிக்கும் முகம் உடையாள் திரிசடை
எனினும் ஆம். வினையினில் - வினை போல; தப்பாது
கெடுத்தற்கு உவமை. 
 

(31)
 

உன்னை உரை   அலா   உரை   உரைத்து- உன்னைச்
சொலத்தகாத வார்த்தைகளால் வைது;   விரைய   ஓடி உராய
விழுங்குவம் என்றுளர் -  வேகமாக  ஓடிவந்து  மேல் விழுந்து
உன்னை விழுங்கிவிடுவோம் என்றுள்ளவர்களாகிய  இவ்வரக்கியரது;
வரைசெய் மேனியை- மலை போன்ற உடம்பை; வள் உகிரால்
பிளந்து- வளவிய என் கை நகத்தால் பிளந்து; மறலிக்கு இரை
செய்வேன் இனி- யமனுக்கு இரையாக ஆக்குவேன் இனிமேல்;
என்னும் - என்று சொல்லுவான்.
 

(32)