இந்திரனை வென்றமைக்கு அறிகுறியாக திசையானைகளை
விலக்கித்   தமது   யானைகளை  அவ்விடத்தில் நிறுத்தினர்
என்பது கருத்து. ஒன்றார் இகல் அற நூறித்தன் மதவாரணந்,
திசைதொறு நிறுவிய - சீயகங்கன்'' என்றதும் காண்க. 
 

மறக்கண் வெஞ்சின மலை என இந்நின்ற வயவர்- கொடுங்
கண்ணையும் கடும் சினத்தையும் உடைய மலை போல இங்கு நின்ற
வீரர்கள்; இறக்கம் கீழ் இலாப் பாதலத்து உறைகின்ற இகலோர்
- (தன்னினும்) இறக்கமுடைய கீழிடம் இல்லாத, பாதலத்தில் வாழ்கின்ற
வலிமையுடையோராவர்; ஆயிரம் பணந்தலை அனந்தன் அறக்கண்
துஞ்சிலன் -   ஆயிரம்   படத்தோடு   கூடிய தலைகளை உடைய
ஆதிசேடன்   முழுவதும்   கண்  துஞ்சாமல்; உறக்கம் தீர்ந்தனன்.
உறைகின்றது, இவர் தொடர்ந்து ஒறுக்க - உறக்கம் நீங்கினவனாய்த்
தங்கி இருப்பது இவ்வீரர் அவனைத் தொடர்ந்து வருத்துதலாலேயாம்.
 

(22)
 

பெருங்குழுவாய்   வாள்  இமைக்கவும்,  வாள்  எயிறு 
இமைக்கவும் வருவார் - பெருங் கூட்டமாக, வாள் ஒளி வீசவும், 
வாள் போன்ற பற்கள் ஒளி வீசவும் வருகின்றவர்களாகிய இவர்கள்; 
கண்ணுதல்    பண்டு    காளியைக்  காட்டிய   காலை - 
நெற்றிக்கண்ணை உடைய இவன் முற்காலத்தில் காளியை வெல்ல 
ஊர்த்துவ தாண்டவம் செய்து காட்டிய காலத்தில்; மூள முற்றிய
சினக்கடுந் தீயிடை