:: TVU ::

யுத்த காண்டம்

முளைத்தோர்- (அந்தக் காளியின்) மூளுமாறு முதிர்ந்த சினமாகிய கடுமையான நெருப்பில் தோன்றியவர்கள்; கூளிகட்கு நல்உடன் பிறந்தார் - பேய்கட்கு நல்ல உடன்பிறப்புப் போன்றவர்கள்.
காளியை நடனத்தில் வெல்லச் சிவன் ஒரு காலைத் தலையில் தூக்கி ஊர்த்துவ தாண்டவம் புரியக் காளி அங்ஙனம் செய்து காட்டி வெல்ல முடியாமையால் நாணிச் சினங்கொள்ள, அச்சினத்தீயில் தோன்றியவர்கள்.
(23)
9270.	'பாவம் தோன்றிய காலமே தோன்றிய பழையோர்;
	தீவம் தோன்றிய முழைத் துணை எனத்
	தறுகண்ணார்;
	கோவம் தோன்றிடின், தாயையும் உயிர் உணும்
	கொடியோர்;-
	சாவம் தோன்றிட, வட திசைமேல் வந்து சார்வார்.

சாவம் தோன்றிட வட திசை மேல் வந்து சார்வார்- வில் கையில் தோன்றிட வடதிசைமேல் வந்து தோன்றுகின்ற இவர்கள்; பாவம் தோன்றிய காலமே தோன்றிய பழையோர்- பாவம் தோன்றிய காலத்திலே தோன்றிய பழையவர்; தீவம் தோன்றிய துணை முழை எனத் தறு கண்ணார் - விளக்கு மிளிர்கின்ற இரண்டு குகைகளென்று சொல்லுமாறு (தோன்றி) பயம் விளைக்கின்ற விழிகளுடன் கூடியவர்கள்; கோவம் தோன்றிடின் தாயையும் உயிர் உணும் கொடியோர்- கோபம் வந்தால் தாயையும் உயிர் உண்கின்ற கொடியவர்கள் ஆவர்.
கண்ணோட்டமற்ற கோபமுடையவர் என்பதனைக் குறிக்க ''தாயையும் உயிருணும் கொடியார்'' எனக் கூறினார்.
(24)
9271.	'சீற்றம் ஆகிய ஐம்முகன், உலகு எலாம் தீப்பான்,
	ஏற்ற மா நுதல் விழியிடைத் தோன்றினர், இவரால்;
	கூற்றம் ஆகிய கொம்பின் ஐம்பாலுடை, கொடுமைக்கு
	ஊற்றம் ஆகி, பண்டு உதித்தனர் என்பவர், உவரால்.

இவர் சீற்றம் ஆகிய ஐம்முகன்- இவர்கள், சீற்றம் மிக்கவனாகிய ஐந்து முகங்களை உடைய சிவன்; உலகு எலாம் தீப்பான் ஏற்றமாநுதல் விழியிடைத் தோன்றினர்- உலகம் முழுவதையும் எரிக்கும்படி கொண்டுள்ள பெரிய நெற்றிக் கண்ணில் பிறந்தவர்கள்; உவர், ஐம்பாலுடைக் கூற்றம் ஆகிய