பொன்  அணி  புட்பகப் பொருஇல் மானமும் - பொன்னால்
அழகு பெற்ற புட்பகம் என்னும் பெயருடைய ஒப்பற்ற விமானமும்;
மன்னவர்க்கு  அரசனும்  -  அரசர்க்கரசனாகிய சக்கரவர்த்தி
இராமபிரானும்;   வந்து   தோன்றினார்   -   வந்து   அநுமன்
கண்காணத் தோன்றினர்.
 

'தோன்றினார்'   என்னும்  வினைமுற்று  'புட்பக  விமானமும்
மன்னவர்க்கு அரசனும்' என்ற இரண்டையும் தலைமைப் பொருட்கு
வினை கொடுப்பவே தலைமையில் பொருளும் முடிந்தன ஆவதோர்
முறை பற்றி இயைத்தது என்க. 
 

அண்ணலே- பரதனே!; அலர்ந்த தாமரைக் கண்ணனும் -
அன்றலர்ந்த செந்தாமரை மலர் போலும்  கண்களையுடையவனான
இராமபிரானும்; வானரக் கடலும்- வானர சேனைச் சமுத்திரமும்;
கற்புடைப் பெண் அருங்கலமும்- கற்பிற்  சிறந்த பெண்டிர்க்கு
அணிகலமாய சீதாபிராட்டியும்; நின்பின்பு தோன்றிய வண்ணவில்
குமாரனும்  -   உனக்குப் பின்னால் பிறந்த அழகிய வில் ஏந்திய 
இலக்குவனும்; வருகின்றார்களை காண்டி- என இவர்கள் வந்து
கொண்டிருப்பவர்களைப் பார்ப்பாயாக.
 

வானரக் கடலை இடையே கூறியது, அதன் ஆர்ப்பொலி
கேளாமையால் முன்பு பரதன் இராமனது வருகையை ஐயுற்றான்
ஆதலின் என்க. ஆல் - அசை. 
 

ஊழியான் - யுக முடிவுக் காலத்தும் நிலை பெற்றுள்ளவனாகிய
இராமபிரான்; ஏழ் இரண்டு ஆகிய உலகம் ஏறினும்- பதினான்கு
உலகங்களிலுள்ள அத்தனையும் தன்மேல்