தான்  உயர்   புட்பகம் - மிக    உயர்ந்த   புட்பக
விமானமானது; ஆனது ஓர் அளவையின்  - அப்படிப்பட்ட
நேரத்திலே; வானவர்  திருநகர்   அமரர்  கோனொடும்
வருவது   ஆம்   என-  தேவர்  தலை நகராய அமராவதி
இந்திரனோடு  கீழிறங்கி  வருவதுபோல  என்று சொல்லும்படி;
மேல் நிறை வானவர்  வீசும்  பூவொடும்  -   விண்ணில்
நிறைந்த   விளங்கும்   தேவர்கள் தூவுகின்ற  மலர்களொடும்;
நிலத்தைச் சார்ந்தது - நிலத்திடத்தை வந்தடைந்தது.
 

ஆல் - அசை. 
 

(318)
 

இராமன் வருகையால் அனைவரும் உற்ற நிலை
 

அறுசீர் ஆசிரிய விருத்தம்
 

(இராமன்) தாயருக்கு - தன்னைப் பிரிந்த தாய்மார்களுக்கு;
அன்று சார்ந்த   கன்று   எனும்   தகையன் ஆனான் -
பிரிந்து  உடனே வந்தடைந்த  கன்றின் தன்மையை ஒத்தவனாக
ஆனான்;   மாயையின்   பிரிந்தோர்க்கு    எல்லாம்   -
அவித்தையாகிய அஞ்ஞானம்   நீங்கிய   மெய்ஞ்ஞானிகளுக்கு
எல்லாம்;    மனோலயம்   வந்தது   ஒத்தான்  -   மனம்
லயிக்குமிடமாகிய பரப்பிரம்மத்தோடு ஒன்றுபடும் தன்மை  வந்து
சேர்ந்தாற்போல ஆனான்; ஆய்  இளையார்க்குக்  கண்ணுள்
ஆடு இரும்பாவை ஆனான்- தன்