வற்றின் தன்மையையும், மனிதர்களின் வலிமையையும்; உடன்
ஆம்  கொற்ற   வானரத் தலைவர் தம் தகைமையும் -
அம்மனிதரோடு வந்துள்ள வெற்றி பொருந்திய வானரத் தலைவர்
தம் பெருமையையும்; கூறக்கிற்றும் கேட்டிரால் என்றனன்
கிளத்துவான் துணிந்தான்- சொல்லும் வல்லமையுடையேம்,
கேட்பீர்களாக என்று சொல்லத் துணிந்தான்.
 

ஊற்றம் - வலிமை,   கொற்றம் -  வெற்றி   கிற்றும் -
ஆற்றலுடையேம் வலிமையுடையேம் கில் - ஆற்றலுணர்த்தும்
இடைச்சொல். அதன்  அடியாகப்   பிறந்த 'கிற்றும்' என்பது
தன்மைப் பன்மை வினைமுற்றாம். சொல்லுபவை இராவணனுக்குப்
பிடிக்காதவையும், அவனது தோல்விகளுமாதலால் மாலியவான்
சொல்லத் துணிந்தான். 
 

ஒருவிலால் பரிய தோளுடை விராதன், மாரீசனும் 
பட்டார்- (இராமனுடைய)   ஒரே   வில்லினால் பருத்த 
தோள்களையுடைய விராதனும், மாரீசனும் இறந்து பட்டார்கள்; 
கரிய மால்வரை நிகர் கரதுடணர், கதிர்வேல் திரிசிரா 
- கரிய பெரிய மலையை ஒத்தவரான கரனும், தூடணனும், ஒளி 
பொருந்திய   வேற்படையை   உடைய திரிசிராவும்; அவர் 
திரைக்கடல் அன பெருஞ்சேனை - அவர்களுடைய 
அலைகடல் போன்ற  பெருஞ்சேனையும்; ஒரு நாழிகைப் 
பொழுதினின் உலந்தார்  - ஒரு நாழிகைப் பொழுதினில் 
அழிந்துபட்டார்கள்.
 

இராமனுடைய ஒரு வில்லால் விராதன், மாரீசன், கரன்,
தூடணன், திரிசிரா முதலானவர்களும் அரக்கர் பெரும் படையும்
அழிந்தமை கூறப்பட்டது. 
 

(40)
 

ஆழி அன்னநீர் கடல் அனைத்தையும் ஊழிக்கால் எனக் -
கடலைப்போன்று பரவியுள்ள நீங்கள், கடல்கள் எல்லாவற்றையும்