ஓட; தனிமை நீங்கி காடு உறைந்து உலைந்த மெய்யோ? -
இராமனைப் பிரிந்த தனிமையிலிருந்து  விடுபட்டு   அவனுடனே
சென்று காட்டின்கண் அவனோடு தங்கி  வருந்திய இலக்குவனது
உடம்போ; கையறு கவலை கூர  நாடு  உறைந்து  உலைந்து
மெய்யோ- செயலற்ற பிரிவுத்துன்பம் மேலும் மேலும் மிகுதலால்
அயோத்தி   நாட்டு   நந்திக்   கிராமத்தில்   தங்கி   உண்பதும் 
உறங்குவதும் இன்றி வருந்திய பரதனது உடம்போ;  நைந்தது?-
எது மிகவும் வருந்தியது;என்று உலகம் நைய - என்று உலகம்
இருவரையும் ஒருசேரப் பார்த்து  வருந்தும்படி;   தாள்   தொடு
தடக்கை ஆரத் தழுவினன்- முழந்தாள் அளவு நீண்ட தன்
கைகளால் நன்றாகத் தழுவிக் கொண்டான்.
 

பரதன் இலக்குவனைத் தழுவி நின்ற காட்சி கண்டு உலகம்
வருந்தியபடி. 
 

மூவர்க்கும் இளைய வள்ளல்- மூவர்க்கும்  இளையவனாகிய
சத்துருக்கன்; முடிமிசை  முகிழ்த்த கையன் - தலைமேற் கூப்பிய
கையுடையவனாய்; தேவர்க்கும் தேவன்  தாளும்   -   இராமன்
திருவடி; செறிகழல் இளவல் தாளும் -  கட்டிய   கழல்  உடைய
இலக்குவன்  திருவடி;   பூவர்க்கம்   பொழிந்து   வீழ்ந்தான் -
ஆகியவற்றில் மலர்   மழை   பொழிந்து   விழுந்து   வணங்கினான்;
பொருந்தப்  புல்லி   எடுத்தனர் -   அவர்கள்   அவனை நன்கு
தழுவித்   தூக்கினர்   (பின்னர் அவன்);   வாவிக்குள்   அன்னம்
அன்னாள் மலர் அடித்தலத்து வீழ்ந்தான் - பொய்கையில் வாழும்
அன்னம்  போன்ற  சீதையின்  மலர்  போன்ற திருவடிகளில் வீழ்ந்து
வணங்கினான். 
  

 (331)