உடைந்ததேபோல்.

கோடையில் - முதுவேனிற் காலத்தில்; வறந்த - நீர் வறண்ட;
மேகக் குலம் என - முகிற் கூட்டம் போன்று; பதினால் ஆண்டு -
(நீண்ட) பதினான்கு ஆண்டுக்காலம்; பாடு உறு மதம் செய்யாத-
வெளிப்படுத்துகின்ற மதத்தைப் பொழியாமலிருந்த; பணைமுகப் பரும
யானை - கொம்புகளை முகத்தில் பெற்ற சேணமமைந்த  களிறுகள்;
காடு உறை அண்ணல் எய்த- வனவாசம்  முடித்த  இராமபிரான் 
திரும்பி வந்தமையால்; கடாம் திறந்து உகுத்த  வாரி - கன்னம்
திறந்து   பொழிந்த   மதநீர்;   உள்ளத்து  உள்ள களி திறந்து
உடைந்ததே போல்  -  (அவற்றின்)   மனத்துக்குள்   அடக்கி
வைத்திருந்த களிப்பு உடைந்து வெளிப்பட்டது போல்;ஓடின -
பெருகி ஓடலாயிற்று.
 

முன்னர் நகர் நீங்கு படலத்துள், தான யானையும் களி துறந்தன
(கம்ப. 1806) என்றவர் இங்கு களிபெருகின என்றார். 
 

(9)
 

துரகத் தார்ப் புரவி எல்லாம் - கிண்கிணி  மாலை  யணிந்த
குதிரைகள் எல்லாம்; மூங்கையர் சொல் பெற்றென்ன- ஊமையர்கள்
பேசும் திறம் பெற்றாற் போலவும்; அரவப் போர்  மேகம்  என்ன -
ஆரவார ஒலி முழக்கும் மேகங்கள் போலவும்; ஆலித்த -கனைத்தன;
மரங்கள் - அனைத்து மரங்களும்; ஆன்ற