பூமகட்கு அணி அது என்ன- நிலமகளுக்கு இது ஓர்
அணிகலன் என்று சொல்லும்படியாக;பொலி பசும் பூரி சேர்த்தி
மாமணித் தூணின் செய்த மண்டபம் அதனின் நாப்பண்-
விளங்கும்   பசிய    பொன்னைக்   கொண்டு     சிறந்த
மணிக்கற்களால்   ஆகிய   தூண்களை   அமைத்துச்   செய்த
திருவோலக்க மண்டபத்தின் நடுவில்; கோமணிச் சிவிகை
மீதே- சிறந்த மணிகள்     அழுத்திச்   செய்த பல்லக்கின்
மேல்; கொண்டலும் மின்னும் போல- மேகமும்   மின்னலும்
போல; தயரதராமன்- தசரத   சக்கரவர்த்தியின் புதல்வனான
ஸ்ரீராமன்; தாமரைக் கிழத்தியோடும்- தாமரை     மலரில்
வீற்றிருக்கும் திருமகளாகிய சீதாபிராட்டியோடும்;
சார்ந்தான்- வந்து சேர்ந்தான்.
 

பல்லக்கில் ஏறி அத்தாணி மண்டபத்துக்கு வந்து
சேர்ந்தான். பூரி - பொன்.
 

அயோத்தி வேந்தன்- அயோத்தி நகருக்கு அரசனான
ஸ்ரீராமன்; விரிகடல் நடுவண் பூத்த மின் என ஆரம் வீங்க
- அகன்ற கடலின் நடுவில் தோன்றிய மின்னலைப் போல முத்தாரம்
மார்பில் தோன்ற; எரி கதிர்க்கடவுள்   தன்னை     இனமணி
மகுடம் ஏய்ப்ப - பிரகாசிக்கிற ஆயிரம்   கிரணங்களை   உடைய
சூரியனைக் கூட்டமான மணிகள் அழுத்திச்     செய்யப்    பெற்ற
கிரீடம் ஒத்திருக்க;       கருமுகிற்கு   அரசு   செந்தாமரை
மலர்க்காடு பூத்து - கருமேகத்துக்கு அரசானது     செந்தாமரைப்
பூக்கள் காடுபோலத் தன்னிடையே பூக்கப் பெற்று; ஓர் அரியணைப்
பொலிந்தது என்ன இருந்தனன் - ஒரு சிம்மாசனத்தில் வீற்றிருந்தது
என்று சொல்லும்படி வீற்றிருந்தான்.
 

(2)