குருநாதர் மகாவித்துவான் மயிலம் வே. சிவசுப்பிரமணியன்
அவர்கள் கருத்து.
 

மங்கல கீதம் பாட- மங்கலப் பாடல்கள் பாடப்பெற;
மறையவர் ஆசி கூற- அந்தணர்கள் ஆசீர்வாத மொழிகளைக்
கூற; சங்கு இனம் குமுற- சங்கங்கள் ஊதப் பெற; பாண்டில்
தண்ணுமை துவைப்ப - தாளமும் மத்தளமும் ஒலியைச் செய்ய;
தாஇல் பொங்கு பல்லியங்கள் ஆர்ப்ப - குற்றமற்ற பலவகையான
வாத்தியங்கள் ஆரவாரிப்ப;பொருகயல், கருங்கண், செவ்வாய்,
பங்கய முகத்தினார்கள் - பொருகின்ற கயல்மீன் போன்ற கரிய
கண்ணையும், சிவந்த வாயையும்     உடைய  தாமரை  போன்ற
முகத்தினராய மகளிர்கள்; மயில்  நடம்     பயில- மயில் போல
நடனம் ஆடவும்.
 

பாண்டில் - தாளம், மாதோ - அசை.
  

(5)
 

திரைகடல் கதிரும் நாண- அலைகடலின் மேல் தோன்றுகின்ற
உதய சூரியனும் நாணமுறும் படி; செழுமணி மகுட கோடி- (வணங்க
வந்த மன்னர்களின்) செழுமையான மணிகள் அழுத்திச்     செய்யப்
பெற்ற மகுட வரிசைகள்; கரை தெரிவு   இலாத சோதிக்   கதிர்
ஒளி பரப்ப- முடிவு காணமுடியாத சோதிப்   பிரகாசத்தை எங்கும்
பரவச் செய்யும்படி; நாளும் வரைபொரு மாட வாயில் நெருக்குற
வந்து-   நாள்தோறும்    மலையொத்த    அரண்மனை வாயிலில்
நெருக்கித்தள்ளி வந்து; மன்னர் பரசியே