வயிரத்திண்தோள் - கல்லைப் போல உருண்ட வலிய தோள்களை
உடைய; கடுந்திறல் மடங்கல் அன்னான் - மிக்க வலிமை
படைத்த சிங்கத்தைப் போன்றவனாகிய; எற்று நீர்க் கங்கை
நாவாய்க்கு   இறை குகன்-   கரையோடு    மோதுகின்ற
நீர்ப்பெருக்கினை உடைய கங்கையில் உள்ள மரக்கலங்களுக்குத்
தலைவன் ஆகிய குகன்; வெற்றி வெஞ்சேனையோடும் - தன்னுடைய
வெற்றி பெற்ற கொடிய சேனையோடும்;தொழுது சூழ்ந்தான் -
இராமனை வணங்கிச் சுற்றி இருந்தான்.
 

வள்ளலும் - இராமபிரானும்; அவர்கள் தம்மேல் வரம்பு
இன்றி வளர்ந்த காதல் - அத்துணைவர்களிடத்து அளவுபடாது
வளர்ந்த பேரன்பானது; உள்ளுறப்    பிணித்த   செய்கை-
தன்மனத்தை இறுகக் கட்டியிருக்கிற பாங்கினை; ஒளி முகக்
கமலம் காட்டி- ஒளி   சிறந்த தனது   முகத்தாமரை மூலம்
காண்பித்து; அள்ளுறத் தழுவினான் போன்று அகம் மகிழ்ந்து-
நெஞ்சாரத் தழுவினவனைப் போல மனம் மகிழ்ச்சி அடைந்து;
இனிதின் நோக்கி - கருணைப் பார்வையால் இனிமையாகப்
பார்த்து; 'எள்ளல் இலாத மொய்ம்பீர் -     இகழப்   படாத
வலிமை படைத்தவர்களே!ஈண்டு இனிது இருத்திர் - இங்கே
இனிமையாக இருங்கள்; என்றான் -
 

(11)