'பாம்பணை அமலன்' இட்சுவாகு குலதனமாகிய ஸ்ரீரங்கநாதன்
என்னும் பெரிய பெருமாளாகும்.    திருமாலின்   அவதாரமாகிய
ஸ்ரீராமன் என்றுரைப்பாரும் உளர். அது முன்னும் இப்படலத்துப்
பல இடங்களிலும் வந்துள்ளமையின் பெரிய பெருமாள் என்பதே
இங்குச் சிறப்புடைத்து. அன்று, ஏ - அசைகள்.
 

நெருக்கிய அமரர் எல்லாம்- ஒன்று திரண்ட தேவர்கள்
எல்லாம்; நெடுங்கடற்கு இடைநின்று    ஏத்த -    பெரிய
திருப்பாற் கடலின் இடையிலே நின்று துதிக்க;  மற்று அவர்
பொருமல் தீர - துன்புற்ற அவர்களது துயரம் நீங்கும்படி;
பொருக்கென- விரைவாக; அயோத்தி எய்தி- அயோத்தியை
அடைந்து; அரக்கர் யாரும் வருக்கமொடு மடிதர - அரக்கர்கள்
எல்லாம் தம் கூட்டத்தோடு அழிந்து போக;வரிவில் கொண்ட
திருக்கிளர் மார்பினான் - கட்டமைந்த   வில்லைக்  கையில்
ஏந்திய திருமகள் விளங்கும் மார்பினனாகிய ஸ்ரீராமன்; பின்
செய்தது செப்பலுற்றாம் - பின்னால் செய்த செயல்களைக்
கூறத் தொடங்கினோம். இது கவிக்கூற்று.
 

இதனை முன்னர் 184 முதல் 203 வரை உள்ள பாலகாண்டப்
பாடல்களைப் பொருத்தி அறிந்து கொள்க.
 

(14)
 

மறையவர் தானம் கொள்ளல்