சத்துருக்கனனை பண்பு ஆர் விரத மாதவனை தாயர் மூவரை
மிதிலைப் பொன்னை வரதனை - வலம் கொண்டு ஏத்தி - சுற்றி
வந்து தோத்தரித்து; வணங்கினர் விடையும் கொண்டு- வணங்கி
விடை பெற்று;  தத்தம பதியைச்  சார்ந்தார்- தங்கள் தங்கள்
நகரங்களை அடைந்தார்கள்.
 

இராமனை முதலாகக் கொண்டு பரதனைச் சந்தித்த அவர்கள்
விடைபெறும் போது பரதனை முதலாக இராமனாகிய வரதனை
இறுதியாக வலம் கொண்டு ஏத்திச் சென்றதாகக் கூறியது ஓர் நயம்.
தத்தமபதி - சிருங்க பேரம், கிட்கிந்தை, இலங்கை என்று
அவரவர் நகரம்.
 

அகன் உற்ற காதல் அண்ணல் அலங்கல் வீடணன்-
நெஞ்சார்ந்த அன்புடைய     பெரியோனாகிய மாலை அணிந்த
வீடணன்; வாள் எயிற்று அரக்கர் சூழ - கூரிய பல்லினை உடைய
அரக்கர்கள் தன்னைச்     சுற்ற;    ககனத்தின் மிசையே ஏகி -
(புட்பக விமானத்தில் அனைவரையும் அழைத்துக் கொண்டு; ஆகாய
வழியாகச் சென்று. குகனைத் தன் பதியின் உய்த்து- குகனை
அவன் நகராகிய சிருங்க பேரத்தில் கொண்டு விட்டு; குன்றினை
வலம் செய் தேரோன் மகனை- மகாமேரு மலையைச் சுற்றி வரும்
தேரினையுடைய சூரியன் மகனாகிய சுக்கிரீவனை; தன்புரத்தில் விட்டு
- அவன் நகராகிய கிட்கிந்தையில் கொண்டுவிட்டு; அன்றே சென்று -
அன்றைக்கே   போய்;   இலங்கை புக்கான்-     இலங்காபுரியைச்
சென்றடைந்தான்.
 

'சென்று புக்கான்' என இயைத்து, அன்றே அசை எனினும் ஆம்.
  

(35)