நெருக்கினால் புழுங்கி - நெருக்கத்தில் வெந்து; வேர்த்த
அண்டத்தை வெடித்திட- வேர்த்திடுகின்ற அண்டகோளம்
வெடித்திடுமாறு; மேன்மேல் பொடிந்தது- மேலும் மேலும்
விளங்கித்   தோன்றியது;   ஆர்த்த ஓசையோ - வீரர்கள்
ஆரவாரித்து எழுப்பிய ஓசையோ? அலங்கு தேர் ஆழியின்
அதிர்ப்போ -  அசைந்து   செல்லும்  தேர்ச் சக்கரங்களின்
ஓசையா?  கார்த்திண் மால் கரி முழக்கமோ - கருநிறமும்
திண்மையும் கொண்ட பெரிய ஆண்யானைகள் பிளிறிய ஓசையா?
வாசியின் கலிப்போ - குதிரைகளின் ஓசையா? போர்த்த பல்
இயத்து அரவமோ?- இத்தனை ஓசைகளையும் உள்ளடக்கிய 
பல்வகை இசைக் கருவிகளின் ஓசையா? 
 

(19)
 

நிறை   படைப்    புணரி -   இடமெலாம் பரவி நிறைந்த 
சேனையாகிய கடல்; வழங்கு ப ல் படை மீனது-  பகைவரை 
நோக்கிச் செலுத்தப்படுதற்கு உரிய படைக்கலங்களாகிய மீன்களைக்
கொண்டது;  முழங்குகின்றது  மத  கரி  மகரம்- பிளிறுகின்ற
யானைகளாகிய திமிங்கலங்களை உடையது; முரி திரைப் பரியது-
கரையில்  மோதிச்   சிதைகின்ற  அலைகளாகிய  குதிரைகளைப்
பெற்றது; முரசம் தழங்கு பேரொலி கலிப்பது - போர் முரசுகள்
ஒலிப்பதால்  எழுகின்ற  சத்தத்தைக் கொண்டது; தறுகண் மா
நிருத - அஞ்சாமை  கொண்ட பெரிய அரக்கராகிய; புழுங்கு
வெஞ்சினச் சுறவது- மன வேக்காடுடைய கொடிய சினங்கொண்ட
சுறாமீன்கள் உடையது.
 

சேனை, யானை, குதிரை, முரசொலி, அரக்கர் இவை முறையே
கடல், திமிங்கலம், அலை, கடலோசை, சுறாமீன்கள் ஆகியவையாக 
உருவகம் செய்யப்பட்டன. முற்றுருவகம் மீன் + அது. 'அது' பகுதிப்