காட்டிக் கொடுத்த கய்யனேன் நான்- உன்னைப் பகைவன்
கொல்ல   வழி   செய்து   கொடுத்த   சிறுமையனாகிய நான்;
உய்வனே!' என்று உரைக்கும் அங்கு ஓர் தலை - உயிர்
வாழ்ந்திருப்பேனோ?' என்று ஒருதலை சொல்லும்.
 

இராவணனுடைய பத்துத் தலைகளுள் மூன்று தலைகள் 
கூறியவை இங்கு   கூறப்பெற்றன. வாய் கூறியதைத் தலை 
கூறியதாகச்    சொன்னது    தானியாகுபெயர்.  கய்யன் - 
சிறுமையுடையவன். கை - சிறுமை. தான் செய்த செயலுக்குத் 
தானே பொறுப்பேற்று முந்திச் சென்று உயிர் விடாமல், தன் 
அன்புக்குரிய   மகனை   உயிர்   விடச்  செய்த சிறுமை 
இராவணனை வாட்டுகின்றது. 
 

ஓர் தலை; 'எழுவின் கோலம் எழுதிய தோள்களால் -
இராவணனது ஒருதலை ''சந்தனக்கோலம் எழுதிய இரும்புத்தூண்
போன்ற தோள்களால்;  'தழுவிக்  கொள்கலையோ!' எனும்-
தழுவிக்கொள்ள மாட்டாயோ?'' என்று  சொல்லும்;  ஓர் தலை,
'செழு வில் சேவகனே! 'உழுவைப் போத்தை - மற்றொரு 
தலை 'செழுமையான வில்லேந்திய வீரனே! ஆண்புலியை; உழை 
உயிர் உண்பதே!' எனும்- பெண்மான் உயிர் வாங்குவதோ?' 
என்று சொல்லும்.
 

எழு - இரும்புத்தூண். உழுவைப் போத்து - ஆண்புலி. உழை -
பெண்மான்.  ஆடவர்  தோளுக்கு எழு - 'எழுவுறழ் திணிதோள்'
(பெருங் 2, 6, 131)  தோளில்  எழுதுதல்;  'எழிற்றோள்  எழுதி' 
(பெருங், 1, 34, 201)  வீரனுக்குப் புலிப்போத்து; 'புலிப்போத்தன்ன 
புல்லணற்காளை' (பெரும்பான். 138) 'வயப்புலிப் போத்தன்னார்' 
(பெரி. ஏனாதி 13) புலிப்போத்து, 'பொறி வரியிடும் புலிப்போத்து 
நவ்வி வெரீஇ' (பெருங், 1, 54, 37) 
 

(17)