:: TVU ::

வேள்விப் படலம்

251

	பூவைபோல் நிறத்தினாற்குப் புறத்தொழில் புரிந்த அன்றே.
வீர! மேவினம் பிரிதல் ஆற்றேம் - வீரனே! நாங்கள் வந்து உன்னை அடைந்தோம். பிரிதல் செய்யோம்; நீ விதியின் எம்மை ஏவின செய்து - நீ முறைப்படி எங்களை ஏவிட்ட காரியத்தைச் செய்து; இளையவன் போல நிற்றும் என்று - இளையவனாகிய இலக்குவனைப்போலப் பணிபுரிந்து நிற்போம் என்று படைக்கலத் தேவதைகள் கூற; அவனும் செவ்விது என்று நேர - இராமபிரானும் நல்லது. என்று ஒப்புக்கொள்ள; பூவை போல் நிறத்தினாற்கு - காயாம்பூவைப் போன்ற நிறம் கொண்ட இராமபிரானுக்கு; புறத்தொழில் புரிந்த - ஏவல் தொழிலைச் செய்திருந்தன. மேவினம். ஆற்றேம் என்பன தன்மைப் பன்மை வினைமுற்றுகள். பிரிதல்: தொழிற்பெயர். விதியின் முறைப்படி. நிற்றும்: செவ்விது: அழகிது. நேர: ஒப்ப. பூவை: காயாம்பூ. புறத்தொழில்: ஏவல் தொழில். தெய்வப்படைக் கலங்களுக்குரிய தேவதைகள் இராமனை நோக்கி ‘’வீரனே! நாங்கள் உன்னை அடைந்தோம். இனிப்பிரிய மாட்டோம். நீ ஏவிய பணியைச் செய்து இலக்குவனைப் போல. நிற்போம் என். இராமனும் அழகிது என்று ஒப்புக் கொள்ள - அப்படைக்கலத் தேவதைகள் இராமனுக்கு ஏவல்தொழிலைச் செய்திருந்தன என்பது பொருள். 3
397.	இனையன நிகழ்ந்த பின்னர். காவதம் இரண்டு சென்றார்; அனையவர் கேட்க. ஆண்டு ஓர் அரவம் வந்து அணுகித்தோன்ற ‘முனைவ! ஈது யாவது?’ என்று. முன்னவன் வினவ. பின்னர். வினை அற நோற்று நின்ற மேலவன் விளம்பலுற்றான்;
இனையன நிகழ்ந்த பின்னர் - இவையெல்லாம் நடந்த பின்பு காவதம் இரண்டு சென்றார் - இராமன் முதலிய மூவரும் இரண்டு காததூரம் நடந்து சென்றனர்; ஆண்டு அனையவர் கேட்க - அங்கு அந்த மூவரும் கேட்டுகும்படியாக; ஓர் அரவம் வந்து அணுகித்தோன்ற - ஒருபெருத்த குரல் பக்கத்தே எழ; முனைவ! ஈது யாவது என்று முன்னவன் வினவ - முனிவரே இந்த ஓலம் எதனால் தோன்றியது என ராமன் கேட்க; பின்னர் வினை அற நோற்று நின்ற மேலவன் விளம்பல் உற்றான் - பின்பு. இரு வினையும் நீங்கத் தவம் செய்து மாமுனிவனாக நின்ற விசுவாமித்திர முனிவன் சொல்லானான்.