5277. | ‘ “கடற் படு பணிலமும், கன்னிப் பூகமும், மிடற்றினுக்குஉவமை” என்று உரைக்கும் வெள்ளியோர்க்கு உடன்பட ஒண்ணுமோ- உரகப் பள்ளியான் இடத்து உறைசங்கம் ஒன்று இருக்க, எங்களால் ? |
உரகப்பள்ளியான் - பாம்புப் படுக்கையில்உள்ள திருமாலின்; இடத் துஉறை - இடக்கரத்தில் இருக்கும்; சங்கம் ஒன்று இருக்க - பாஞ்சசன்யம்ஏற்புடையதாக இருக்க; (அதை விட்டுவிட்டு) கடல்படு பணிலமும் - கடலில்தோன்றிய சங்கும்; கன்னிப் பூகமும் - இளமையான கமுகமரமும்;மிடற்றினுக்கு உவமை என்று - கழுத்துக்கு உவமை என்று; உரைக்கும்வெள்ளியோர்க்கு - கூறும் அறிவற்றவர்களுக்கு; எங்களால் - அறிவுடையஎங்களால்; உடன்பட ஒண்ணுமோ - உடன்பட்டுப் பேச முடியுமா. பணிலம் - சங்கு. பூகம்- பாக்குமரம். வெள்ளியோர் - அறிவற்றவர். உரகப்பள்ளி - பாம்புப் படுக்கை. உரகமெல் அணையான் கையில் உறைசங்கம் (பெரியாழ்வார் 4-4-4) இராமபிரான் மிடற்றுக்குத் திருமால் ஏந்திய சங்கமே உவமை. பிற உவமையாகா. (50) 5278. | ‘அண்ணல்தன் திரு முகம் கமலம் ஆம் எனின், கண்ணினுக்கு உவமைவேறு யாது காட்டுகேன் ? தண் மதி ஆம் எனஉரைக்கத் தக்கதோ, வெண் மதிபொலிந்தது மெலிந்து தேயுமால் ? |
அண்ணல்தன்திருமுகம் - இராமபிரானின்திருமுகமானது; கமலம் ஆம் எனின் - தாமரையை ஒக்கும் என்றால்; கண்ணினுக்கு - அப்பெருமானின் கண்களுக்கு; உவமை - ஒப்புமையாக; வேறுயாது காட்டுகேன் - வேறு எதை எடுத்துக் கூறுவேன் (அன்றி); வெண்மதி - வானத்தில் உள்ள சந்திரன்; பொலிந்தது - பொலிவுடன் இருந்தது (எனினும் அது); மெலிந்து தேயும் - ஒளி குன்றி அழியும் (ஆதலினால்); (திருமுகம்) தண்மதி ஆம் என - குளிர்ந்த சந்திரன் போலும் என்று; உரைக்கத் தக்கதோ - கூறுதல் தகுதியுடையதா. உரைத்தல்என்னும் தொழிற்பெயர் உரைக்க என்னும் எச்சம் போல் உள்ளது. பேசல் கூடாது என்பது பேசக்கூடாது என்று வருதலை நோக்கி அறிக. தொழிற் பெயர் எச்சம்போல் துலங்கலும் உளவே. (உரைச்சூத்திரம்) தண்மதி, சுட்டளவாக நின்றது. இனியர் புகழான் |