இராமபிரான் இலங்கையிலிருந்து மீண்டு அயோத்தியை அடைந்து
திருமகுடம் தரித்துக் கொண்டதைக் கூறும் படலம். திருவபிடேகப் 
படலம் எனவும் பிரதிகளில் காணப்படுகிறது.
 

நம்பியும்- இராமபிரானும்;  பரதனோடு   -   (தவமிருந்த);
பரதனோடும்,   மற்றைத்    தம்பியரோடு    -     மற்றைத் 
தம்பியர்களோடும் தானும்  -  தானுமாக;   நந்தி   அம்பதியை
நண்ணி   -   நந்திக்  கிராமமாகிய அழகிய நகரத்தை அடைந்து;
வம்பு இயல் சடையும்  மாற்றி - நறுமணம் கமழ்கின்ற சடையை
நீக்கி;   மயிர்வினை  முற்றி - மயிர் கழிக்கும் செயலை முடித்து;
தண்புனல்  படிந்த  பின்னர்  -  குளிர்ந்த நீரில் குளித்த பிறகு;
உம்பரும் உவகை கூர  -  தேவர்களும்  மகிழ்ச்சி கொள்ளுமாறு;
ஒப்பனை ஒப்பச் செய்தார்- அழகு நலன்களைப் பொருந்துமாறு
செய்யலாயினர். 
 

(1)
 

குருதி கொப்பளிக்கும் வேலோன்- இரத்தம் பொழியும்
வேற்படையாளனாகிய இராமன்; நிருதியின் திசையில் தோன்றும்