|
வீசும் அலைகளையுடைய
கடல் நீரையும், வடவைக் கனல் - வடவை
நெருப்பையும், சேர எரித்திடும் - ஒருசேர எரித்து அழித்துவிடும்.
(இவ்வாறு சினத்துடன் நின்றது அப் பன்றி.)
வரை
எட்டிலும் பாயும்; மேகங்களை மண்ணில் விழும்படி
மோதும்; வாய் நுரை எங்குஞ் சிதறுவிக்கும்; வடவைத் தீயையும் எரிக்கும்
தோற்றத்தோடு நின்றது என்பது கருத்து.
(66)
| 587. |
ஆடன்
மதத்திரு நாலுதி சைக்களி றானவை யத்தனையும்
கோட தனிற்கர மீதுற வைத்துடல் கூசிவெ ருக்கொளவே
சேடன் முதற்படு வாளர வத்தலை சேரந டுக்குறவே
ஓடும் விசைத்தெழு நீள்புவி யைப்புன லூறநெ ரித்துழுமே. |
(இ - ள்.)
ஆடல் மதத்து இருநாலு திசைக் களிறானவை
அத்தனையும் - வலிமையும் மதமும் உடைய எட்டுத் திக்கு யானைகளும்,
கோடு அதனில் கரம் மீதுற வைத்து - தம் கொம்புகளின்மேல் தம்
துதிக்கைகளை மடக்கிவைத்து, உடல் கூசி வெரு கொளவே - உடல்
கூசி அஞ்சும்படியும், சேடன் முதல் படுவாள் அரவத் தலை சேர
நடுக்குற - ஆதிசேடன் முதலாக எட்டுத்திசைகளிலும் உள்ள பாம்புகளின்
தலைகள் நடுங்கும்படியும், ஓடும் - அப் பன்றியானது விரைந்து ஓடும்,
விசைத்து எழும் - வேகங்கொண்டு எழுந்து செல்லும், நீள் புவியைப்
புனலூற நெரித்து உழும் - நீண்ட இந்தப் பூமியை நீர் பெருக்கெடுத்து
ஓடும்படி நெரித்துத் தன் கொம்புகளால் உழுதலைச் செய்யும்.
இவ்வாறு பல கொடுஞ்செயல் புரிந்து நின்றது அப்
பன்றி; ஓடும்
போது திசையானைகள் நடுங்கின; ஆதிசேடன் தலைகளும் நடுங்கின;
கோட்டாற் குத்தும்போது பூமியில் நீர் ஊறிற்று என்பது.
(67)
| 588. |
ஊறுப
டுத்திடு பாகர்செ லுத்திய ஓடைம தக்கரியை
நீறுப டுத்திடும் வீரர்ந டத்திய நீளிரதத் தினையே
கூறுப டுத்திடும் வாதுவர் எற்றிய கோலவ யப்பரியைச்
சேறுப டுத்திடு மாமக ரத்திரள் சேரும்அ ளக்கரையே. |
(இ
- ள்.) பாகர் செலுத்திய ஓடை மதக்கரியை - பாகர்களால்
செலுத்தப்பட்ட முகபடாத்தை அணிந்த மதயானையை, ஊறுபடுத்திடும்
- கொன்றுவிடும், வீரர் நடத்திய நீள் இரதத்தினை நீறுபடுத்திடும் -
வீரர்கள் செலுத்திய பெரிய தேர்களைத் தூசியாக்கிவிடும், வாதுவர்
ஏற்றிய கோல வயப் பரியை கூறுபடுத்திடும் - குதிரை வீரர்கள்
செலுத்திய அழகிய வெற்றிகொண்ட குதிரைகளைப் பிளந்துவிடும்,
மா மகரத் திரள் சேரும் அளக்கரையே சேறுபடுத்திடும் - பெரிய
சுறாமீன் கூட்டங்கள் நிறைந்த கடலைச் சேறாக்கிவிடும் (அப்பன்றி.)
யானையையும்
கொல்லும்: தேரினைத் தூசியாக்கும்; குதிரையைப்
பிளக்கும்; கடலைச் சேறாக்கும், இக் கொடிய செயல் புரிவது அப்பன்றி.
(68)
|