இச்செய்யுள் குளகம். உம்மைகள் எண்ணும்மைகள். சிறு பண்டி :
பண்புத்தொகை. சிறுமை + பண்டி : ஈறுபோதல்.
                                                     (2)

 

107.	நூலும் மார்பமும் நூலிடைத் திகழ்ந்துற நுடங்கும் தோலும் அங்குலித் தருப்பையும் துளங்குமொண செவியில் நாலும் யாககுண டலங்களும் நான்மறை நெறிமுக் கோலும ஏந்திய குடைகளும் குண்டிகைக் கரமும்;

     (இ - ள்.) நூலும் மார்பமும் நூலிடைத் திகழ்ந்து உற நுடங்கும்
தோலும் - முப்புரி நூலும் மார்பும் நூலில் விளக்கமுறப் பொருந்தி
யசைகின்ற மான்தோலும், அங்குலித் தருப்பையும் - விரல்களில்
தருப்பையும், துளங்கும் ஒண் செவியில் நாலும் யாககுண்டலங்களும் -
அசைகின்ற கேள்வியறிவு விளங்கிய காதுகளில் தொங்குகின்ற வேள்வி
செய்பவர் அணிகின்ற குண்டலங்களும். நான்மறை நெறி ஏந்திய
முக்கோலும் குடைகளும் - நான்குவேத விதிப்படி ஏந்தியுள்ள
முக்கோல்களும் குடைகளும், குண்டிகைக் கரமும் - கமண்டலங்கள்
வைத்திருக்கின்ற கைகளும்;

     இச்செய்யுளும் குளகம். உம்மைகள் எண்ணும்மைகள். செவிக்கு
ஒண்மை கேள்வி யறிவினால் உண்டாவதாகும்.
                                                     (3)

     (இ - ள்.) இன்ன கொண்டு உள இருடிகள் யாவரும் எய்தி அன்ன
சத்திரம் அணைந்து புக்கனர் அயாவு உயிர்த்து - மேற் கூறப்பட்ட
இத்தகையவற்றைக் கொண்டுள்ள முனிவர்கள் எல்லோரும் அயோத்தியை
அடைந்து அன்னசத்திரங்களை நெருங்கிப் புகுந்து உணவு அருந்திக்
களைப்பு நீங்கி, முன்னம் வாரிதி ஆர்ப்பு எழுந்தால் என முழங்கி -
(மகிழ்ச்சியால்) முன்னாளில் கடல் ஆரவாரித்துப் பொங்கியதுபோல
முழக்கஞ்செய்துகொண்டு, மன்னர் மன்னன் மாளிகை வாயிலில் வந்தார்
- அரிச்சந்திரப் பேரரசனின் அரண்மனை வாயிலில் வந்தார்கள்.

     புக்கனர் : முற்றெச்சம் : உணவு அருந்தி என்பது அவாய்நிலையான்
வந்தது. வாயில் : இலக்கணப்போலி.
                                                     (4)

 

	மன்னன் முனிவரை வரவேற்றல்
109.	வந்த மாதவர் ஓதையம் மன்னவன் கேட்டுச் சிந்தை யிற்பெரு மகிழ்வரச் சென்றெதிர் கொண்டே எந்த மாதவம் இன்றுவந் தெய்திய தென்னா வந்த மாதவர் அடிமலர் முடியுறத் தொழுதான்.