:: TVU ::

பால காண்டம்

யுடைய அந்தப்புரத்துப் பெண்களின் ஒளியுடைய முகங்களுக்கு; முந்து உடைந்து போன- முன்பு தோற்றுப் போனமையால்; மொய்ம்பு எலாம் வந்து- மீண்டும் மிக்க வலிமை கொண்டு வந்து; போர் மலைக்க மாமதில் வளைந்தது ஒக்கும்-போர்புரிவதற்கு அந்த மதிலை வளைத்துக் கொண்டிருப்பதை ஒக்கும். மாநகரின் மதிலைச் சூழ்ந்திருக்கும் அகழியிலே மலர்ந்துள்ள தாமரை மலர்கள்- அந்தப்புரத்து பெண்களின் முகங்களுக்குத் தோற்று- மீண்டும் வலிமை பெற்றுப் போர் செய்ய அந்த மதிலை வளைத்திருப்பதை ஒத்திருக்கும். இது தன்மைத் தற்குறிப்பேற்றவணி. அயோத்தி நகரத்துப் பெண்களின் அழகைச் சிறப்பித்து இவ்வாறு கூறினார். அகத்து: அகழியினிடத்து. மானம்: பெருமை. 16
109.	சூழ்ந்த நாஞ்சில் சூழ்ந்த ஆரை சுற்றும் முற்று பார் எலாம் போழ்ந்த மா கிடங்கிடைக் கிடந்து பொங்கு இடங்கர் மா.- தாழ்ந்த வங்க வாரியில். தடுப்ப ஒணா மதத்தினால். ஆழ்ந்த யானை மீள்கிலாது அழுந்துகின்ற போலுமே.
சூழ்ந்த நாஞ்சில் சூழ்ந்த ஆரை- ஆய்ந்து கட்டப்பட்ட நாஞ்சில் முதலிய உறுப்புகளை உடைய நகரைச் சுற்றிலும் உள்ள அந்த மதிலின்; சுற்றும் முற்று பாரெலாம் - சுற்றிலும் நிறைந்திருக்கும் பாறைகளையெல்லாம்; போழ்ந்து மா கிடங்கிடை- பிளந்து அமைக்கப்பட்ட அந்தப் பெரிய அகழியிலே; கிடந்து பொங்கு இடங்கர்மா - தங்கி மேலே எழும் முதலைகள்; தாழ்ந்த வங்க வாரியில் - ஆழமானதும். கப்பல்களை உடையதும் ஆகிய கடலிலே; தடுப்ப ஒணா மதத்தினால் - தடுக்க இயலாத மதத்தினாலே; ஆழ்ந்த யானை மீள் இலாது - உள்ளே அழுந்திய யானை மீள முடியாமல்; அழுந்துகின்ற போலும் - அமிழ்ந்து எழுவன போலக் காணப்பெறும். அகழியிலே முதலைகள் ஆழ்ந்து எழுவதற்கு. கடலிலே யானைகள் ஆழ்ந்து எழுவதை உவமை கூறினார். கருமை. வலிமை. பருமை இவைகளால் முதலைக்கு யானை பண்புவமை. நாஞ்சில்: ஏப்புழை என்னும் மதிலின் உறுப்பு. முற்றும்: நிறைந்திருக்கும் பார்: பாசறை “பாருடைத்த குண்டகழி” என்பது புறநானூறு. 14.மா: பொதுவாக விலங்குகளைக் குறிக்கும் இச்சொல். நீரில் வாழும் உயிர்களையும் பறவைகளையும் குறிப்பதுண்டு. 17
110.	ஈரும் வாளின் வால் விதிர்த்து. எயிற்று இளம் பிறைக் குலம்