கல்     அடித்து    அடுக்கி- மணிக்கற்களைச் செதுக்கி அடுக்கிச்
சுவரெழுப்பி; வாய்ப்பளிங்கு  அரிந்து  கட்டி-  முன்புறம்  பளிங்குக்
கற்களை  அறுத்துக் கட்டி;  மீது  எல்லுடை  பசும் பொன் வைத்து-
அதன்மேலே  ஒளிவீசும்  பொன்தகடு  வேய்ந்து;  இலங்கு பன்மணிக்
குலம்   வில்லிடக்  குயிற்றி-   விளங்குகின்ற  பலவகை  மணிகளை
ஒளிவீசும்படி  (பொன்தகட்டில்)  பதித்து;  வாள்  விரிக்கும்  வெள்ளி
மாமரம்  புல்லிடக் கிடத்தி- ஒளியை பரப்புகின்ற வெள்ளியால் ஆன
விட்டத்தை  அதன்  மீது  பொருந்துமாறு  வைத்து;  வச்சிரத்த கால்
பொருத்தி- வைரத் தூண்களை அதன்மேலே நாட்டி.

இது     முதல் மூன்று பாடல்கள் குளகம்.     “குளகம் பல பாட்டு
ஒருவினை  கொள்ளும்”  என்றபடி  மௌலி   சூட்டி அன்னவே என்ற
மூன்றாம் பாட்டில் பொருள்முற்றுப் பெரும்.

கல்:     மணிக்கல்.    அதனைச்   செம்மையுறச்  செதுக்கிச்  சுவர்
எழுப்பப்பட்டுள்ளது.  அதற்கு முன்புறம்    பளிங்குக் கற்களை அளவுற
அறுத்துக்கட்டி அதன் மேலே பென்தகடு   வேய்ந்து அந்தத் தகட்டிலே
பலவகை    மணிகளைப்   பதித்து-      வெள்ளக்   கை   மரத்தைப்
பொருததும்படி - வைத்து வைரத்தூண் நிறுத்தி என்பது கருத்து.   24
 

மரகதத்து     இலங்கு போதிகைத் தலத்து- மரகதத்தால் செய்த
விளங்கு  போதிகைக்  கட்டைகளின்;  வச்சிரம் புரைதபுத்து அடுக்கி-
வைரக்  கற்களைக் குற்றமகற்றி அடுக்கி வைத்த; மீது பொன் குயிற்றி-
மேலே  பொன்தகட்டை  வைத்து; மின்குலாம் நிரைமணிக் குலத்தின்
வகுத்த-   மின்னல்     போல   விளங்கும்  வரிசையான  இரத்தினத்
தொகுதியால்  ஆகிய;  நீள் ஆளி ஒளி மேல்- நீண்ட சிங்க உருவின்
வரிசை  மீது;  விரவு கைத்தலத்தின்  உய்த்த-  ஒழுங்கு பொருந்திய
கைமரமாக வைக்கப்பட்ட; மேகத்தின் மீது- கோமேதத்தின்மேலே

முன்பாட்டில்     கூறிய  வைரத்தூண்களின்   மீது மரகதத்தாலான
போதிகைகளை  அமைத்து  வச்சிரக்   கற்களை  வரிசையாக அடுக்கிப்
பதித்து- அதன் மேலே பலவகை   மணிகளைப்  பதித்துச் செய்யப்பட்ட
சிங்க  வடிவங்களை  அழகுக்காக    வைத்து அதன் மேல் கோமேதகக்
கைகளை அமைத்துத் தளப்படுத்தி என்பது கருத்து.