இமைப்பன - தேவ நாட்டவரும் (தமது விமானமோ என)
ஐயத்துடன் நோக்குவனவும் ஆகிய மாளிகைகள்; அளவில் கோடியே-
அளவற்ற கோடிக் கணக்கானவையாகும். அயோத்தி மாநகரின் மாளிகைகள் அளவற்றன என்கிறார்.
துலாம்- உத்தரக் கட்டை போதிகை- தூண்களின் தலையில் பாரம்தாங்கும்படி வைக்கப்படும்
கட்டை. இரு பாலும் கீழ்நோக்கிய வாழைப்பூ வடிவம்
அமைந்திருக்கும்.
அயிர்- ஐயம்; வயிரம்- காழ்த்தல் 29
|
| 122. | சந்திர காந்தத்தின் தலத்த. சந்தனப்
பந்தி செய் தூணின்மேல் பவளப் போதிகை.
செந் தனி மணித் துலாம் செறிந்த. திண் சுவர்
இந்திர நீலத்த. எண்இல் கோடியே.
|
சந்திர காந்தத்தின் தலத்த- சந்திர காந்த்க் கற்கள் பரப்பிய
தரையை உடையனவும்; சந்தன பந்தி செய்தூணின் மேல்- சந்தன
மரங்களான வரிசையாக உள்ள தூண்களின் மீது; பவளப் போதிகை-
பவளத்தால் செய்த போதிகையில்; செந்தனி மணித் துலாம் செறிந்த-
சிவந்த மாணிக்கத்தாலான உத்தரம் பொருந்திய யுள்ளனவும்; திண்
சுவர் இந்திர நீலத்து- வண்மை மிக்க சுவர்கள் இந்திர நீலமணிகளால்
அமைந்தனவுமான மாளிகைகள்; எண்ணில் கோடி- எண்ணமுடியாத
கோடியாகும்.
|
சந்திர காந்தம்: சந்திரஒளி பட நீர் பொழியும் தன்மையுடைய கல்
தலத்த. செறிந்த என்ற எச்சங்கள் தலத்தன. செறிந்தன என்று
பொருள் உடைய பெயர்ச்சொற்கள். பந்தி: வரிசை. 30
|
| 123. | பாடகக் கால்அடி பதுமத்து ஒப்பன.
சேடரைத் தழீஇயின. செய்ய வாயின.
நாடகத் தொழிலின. நடுவு துய்யன.
ஆடகத் தோற்றத்த. அளவு இலாதன.
|
பாடகக் காலடி- வேலைப்பாடமைந்த தூண்களின் அடிப்பக்கம்;
பதுமத்து ஒப்பன- தாமரை மலர் வடிவத்தில் அமைந்தனவும்;
சேடரைத் தழீஇயின- கடைக்கால் ஆழத்தால் நாக உலகை
தழுவியுள்ளனவும்; செய்ய ஆயின- வேலைப் பாட்டினால் செம்மை
உடையனவும்; நாடு அகம் தொழிலின- யாவரும் விரும்பிக் காணும்
தொழில் திறம் உடையனவும்; நடுவு துய்யன- நடுவிட மெல்லாம் |