நாடு     அகத்  தொழிலின:  கருதிச்  செய்யப்படும் தொழில் திறம்
உடையன   என்றும்   பொருந்தும்.     இப்பாடல்  விலைமகளிரையும்
குறிக்கும்    வகையில் சிலேடையாக அமைந்துள்ளது. பாடகம் அணிந்த
மகளிரின்  பாதங்கள்  தாமரை  மலரை ஒப்பன; இளையரை   (சேடர்).
அணைத்  திருப்பவர்;  சிவந்த  வாய்  உடையவர்;  நடனத்   தொழில்
அறிந்தவர்;  இடுப்பு  (நடுவு); பஞ்சின் (தூய்) நுனியை ஒத்தது-   என்று
தக்கவாறு பொருள்கொள்ள வேண்டும்.

   பாடகம்- கால் அணி; பாடு அகம்- வேலைப்பாடு மிகுந்த.

ஒப்பன.   தழீஇயின.   வாயின.  தொழிலின்.  துய்யன.  தோற்றத்த-
முற்றெச்செங்கள்.

    தழீஇ- தழுவி (சொல்லிசை அளபெடை).                    31
 

புக்கவர் -     பார்க்கப்   (புகுந்தவர்) வந்தவர்; கண் இமை- கண்
இமைகள்;  பொருந்துறாது- வியப்பின் மிகுதியால். மலர்ந்து விளங்குமே
அல்லாது   ஒன்றுடன்  ஒன்று  சேரா  (கண்  கொட்டாமல் பார்த்தனர்
என்பது    கருத்து);  ஒளி-  மாளிகைகளில்  பதித்த  இரத்தினங்களின்;
பூசிய வெண்சாந்தின்  ஒளி;   தொக்கு  உடன் தயங்கி  - பார்ப்பவர்
உடலின்மீது   பாய்வதால்  (எதிரொளி)  அவர்கள்  விளகம்    பெற்று;
விண்ணவரின்-     தேவர்களைப்     போல;       தோன்றலால்-
காட்சியளிப்பதாலும்;   திக்குற-   எல்லாத்  திசைகளிலும்;  செல்லும்-
செல்ல வல்ல; தெய்வ வீடு- தெய்வீக விமானம்; ஒக்க- போல; நின்று-
நிலத்தல் பதிந்து கிடக்கும்; உம்பர் நாட்டின்- அம்மாளிகைகளின் ஒளி
வெள்ளம் தேவர் உலகத்தும்; இமைப்பன- சென்று ஒளி வீசுவன.

எப்போதும்      ஒளி  உமிழ்வதும் இயங்கும் இயல்பினவுமாய தேவ
விமானங்கள்   மண்ணகத்துத்    தங்கிய    போல்   அம்மாளிகைகள்
விளங்கின.  அவற்றின்   ஒளி  காண்பார் உடல்களில் பதிவதாலும் கண்
இமையாது  இருத்தலாலும்  அவர்களும்  தேவராயினர் என்பது கருத்து.
                                                       32