இலங்கை  அரசன்  பணி  அமைந்து-   இலங்கை   வேந்தனான
இராவணனுடைய  கட்டளையை மேற்கொண்டு; விலங்கல் வலிகொண்டு
-  மிருக  பலம்  கொண்டவளாய்  (எனக்கு); ஓர் இடையூறாய் - ஒரே
இடையூறாக  இருந்து  கொண்டு;  எனது  வேள்வி  நலிகின்றாள்  -
(அரக்கர்கள்)      எனது       வேள்வியை      (நிறைவேறவிடாமல்)
துன்புறுத்துகின்றாள்;  அலங்கல்  முகிலே  -  மாலையணிந்த  மேகம்
போன்றவனே!; அவள்  இவ்வங்க நிலம் எங்கும் - அவ்வரக்கி. இந்த
அங்க  நாட்டில்  வாழ்பவர்களை  எல்லாம்;  குலங்களொடு அடங்க -
அவர்களது குலத்தோடு முழுதும்; நனிகொன்று திரிகின்றாள் - மிகவும்
அழித்துக்  கொன்று  திரிந்து  கொண்டிருக்கிறாள்;  பணி -  கட்டளை
(வேலையுமாம்).

பணி:  கட்டளை (வேலையுமாம்). வலி: மிருகபலம்  (மூர்க்கத்தனமான
வலிமை). நலிதல்: வருத்துல் அலங்கல்: மாலை. முகில்: மேகம்.   இந்தப்
பகுதியெல்லாம்:  அங்கநாடு.  இங்கு  வாழ்பவர்களை   எல்லாம்  இந்த
அரக்கி   குலத்தோடு   கொன்று   தின்று  திரிகிறாள்.   இராவணனது
கட்டளைப்படி  அரக்கர்கள்  எனது   வேள்விக்கு   இடையூறு  செய்து
துன்புறுத்துகின்றனர் என்றான். முனிவன் என்பது கருத்து.          26
 

365.
 

முன்   உலகளித்து  - முற்பட உலகத்துயிர்களை யெல்லாம் காத்து;
முறை நின்ற  உயிரெல்லாம் - (அவ்வாறு காக்கப்பட்டதால்) முறையே
நிலைத்து  நின்ற  உயிர்களை  எல்லாம்;  தன்  உணவு எனக்கருது -
தனது  உணவு பொருள் போலவே என்னும்; ?தன்மையவள் மைந்தா -
தன்மையுடையவள்.  தயரதனது மைந்தனே!; என் இனி உணர்த்துவது -
இனிச்   சொல்லவேண்டியதென்ன  உண்டு;  இனிச்சிறிது  நாளில்  -
இன்னும்  சில  நாட்களி்லே; மன்னுயிர் அனைத்தையும் - நிலைபெற்ற
உயிர்களை  எல்லாம்;  வயிற்றின்  இடும்  என்றான்  -  வயிற்றிலே
போட்டுக்கொள்வாள் என்றான்.

தயரதன்.   மன்னுயிர்.   தன்னுயிர்  எனக்கருதுபவன்.  தாடகையோ
மன்னுயிர்  கொன்று  திரிபவள்  எனத்   தாடகையின்  கொடுமையைத்
தயரதனுடைய  பெருமையைக்   கூறியுணர்த்துவதாக   அமைந்திருப்பது
சிறப்பு.

உலகளித்தல்: பரிபாலித்தல் மன்: பெருமை.                   27