வேறு

   (இ - ள்.) தந்திரத்தால் அந்தரத்தார் மயனே என ஐயுறும் தமநூல் கரைகண்டவன் - தொழிலால் வானவர் தச்சனாகிய மயனேயென்று துணிந்து வடிவால் ஐயமுறும், சிற்பநூலைக் கரைகண்டவனாகிய; வெந்திறலான் பெருந் தச்சனைக் கூவி - சிறந்த ஆற்றலுடையவனாகிய பெரிய தச்சன் ஒருவனைக் கூப்பிட்டு; ஓர் எந்திர வூர்தி இயற்றுமின் என்றான் - ஒரு பொறியூர்தியைப் பண்ணுமின் என்று மன்னன் கூறினான்.

   (வி - ம்.) இயற்றுமின் : ஒருமை பன்மை மயக்கம் . ஊர்தி - ஏறப்படுவது.

   அந்தரத்தார் - தேவர். தந்திரம் தொழில் - தம : ஆறாவதன் பன்மையுருபு. நூல் - ஈண்டுச் சிற்பநூல். வெந்திறலான் என்பதனைச் சச்சந்தன் எனினுமாம்.

   (இ - ள்.) நலஞ்சான்றன பல்கிழியும் பயினும் துகில் நூலொடு நல்லரக்கும் மெழுகும் அல்லனவும் அமைத்து - நலஞ் சிறந்தனவாகிய பல சீலைகளும் பயினும் வெள்ளிய நூலும் நல்ல அரக்கும் மெழுகும் ஒழிந்தனவும் பொருந்தக் கொணர்ந்து சேர்த்து; ஆங்கு எழுநாளிடைச் செல்வதோர் மாமயில் செய்தனன் - அரசன் கூறியவாறே, ஏழு நாட்களில், செல்வதொரு மயிலைச் செய்தான்.

   (வி - ம்.) கிழி - சீலை. பயின் - பற்றுதற்குரியன. துகில்நூல்- வெள்ளை நூல்

   (இ - ள்.) பீலிநன் மாமயிலும் பிறிது ஆக்கிய கோலம் பீலிநன் மாமயிலும் - தோகையையுடைய அழகிய உண்மை