கொண்டு நிற்பதனால் ; அது நரல - அந்நிலம் பொறுக்கமாட்டேன் என்று வாய்விடும்படி ; வண்சுளை ஆர்புஉறு பலாப்பழம் அழிந்த நீள்களம் - செழுவிய சுளைகள் நிறைந்த பலாப்பழங்கள் அழிந்துகிடந்த நீண்ட களங்கள்; போர்பினால் உடன்மலிந்து பொலிந்த நீர - போர்களால் மிக்குப் பொலிந்த இயல்பின.

   (வி - ம்.) புயல் - நீர், விலங்கி : விகாரம் ; விலங்க என்க. பழம் : களத்திற்கு அடை. நிலத்திற்குக் களம் சினையாம்.

   இனி, 'நிலத்திலே முகிலை விலக்கிப் பழைய கூடுகள் 1நிறைதல் கொள்கையாலே , அங்ஙனம் அவை நிறைந்த நிலம் இப்பொழுது இடுகின்ற போரைப் பொறேன் என்று வாய்விடும்படி' என்றுமாம். ஆர்பு கொண்டெனவே கூடுகள் பெற்றாம்.

   முதலிற் கூறிய பொருளுக்கு மார்பு எனவும், இரண்டாம் பொருளுக்கு ஆர்பு எனவும் பிரிக்க. 'ஆர்பு கொண்டு' என்பதற்குக் 'கூடுகள்' தோன்றா எழுவாய்.

   (இ - ள்.) ஈடுசால் போர் அழித்து - பெருமை நிறைந்த போரைத் தலையைத் தள்ளி; எருமைப் போத்தினால் மாடுஉறத்தெழித்து - எருமைக் கடாக்களினாற் பக்கத்தே உற உரப்பி ; வைகளைந்து - வைக்கோலைக் களைந்து; கால்உறீஇச் சேடுஉறக் கூப்பிய செந்நெற் குப்பைகள் -காற்றில் தூற்றி உயரமாகக் குவித்த செந்நெற் பொலிகள் ; கோடு உயர் கொழும்பொனின் குன்றம் ஒத்த - முடிஉயர்ந்த வளமிகு பொன்மலை போன்றன.

   (வி - ம்.) ஈடு - இடுதலுமாம். 'பெற்றம் எருமை புலி மரை புல்வாய் - மற்றிவை யெல்லாம் போத்தெனப் படுமே' (தொல் - மரபு - 41.)

   (இ - ள்.) கரும்பு கண் உடைப்பவர் ஆலைதோறும் விரும்பி வந்து அடைந்தவர் எலாம் பருகி - கரும்பைச் சாறு கொள்வாருடைய ஆலைதோறும் விரும்பி வந்து சேர்ந்தவரெல்லோரும் பருகி ; விஞ்சிய திருந்து சாறு அடுவுழிப் பிறந்த தீம்புகை - மிக்க

1. நிறைதல் கொள்கையால் - நிறைந்திருப்பதனால்.