செற்ற - (தான்) கொன்ற; வாள் உழுவை வன் செறி அதள் -
கொடிய புலியின் வலிய நெருங்கியதோல்; திருகுற - (தன் மார்பில்)
சுருண்டு விளங்க; சுற்றி - சுற்றி உடுத்துக்கொண்டு; வாரண உரித்
தொகுதி - பல யானைகளின் தோற்கூட்டம்; நீவி தொடர - அரையில்
கட்டிய ஆடையாகத் தொடர்ந்திருக்க; கொற்றம் மேவு திசை யானையின்-
வெற்றி பொருந்திய எட்டுத்திக்கு யானைகளின்; மணிக்குலம் உடை -
மணிக்கூட்டங்களைஉடைய; கற்றை மாசுணம் விரித்து வரி கச்சு -
பெரிய மலைப்பாம்பை விரித்து இழுத்துக்கட்டிய இடைக்கச்சு; ஒளிர -
விளங்க; ஏ - ஈற்றசை.

     விராதன் கொன்ற புலியின் தோல் அவனுக்கு மேலாடையாகவும்,
யானைத் தோல் அரையில்கட்டும் ஆடையாகவும், திசையானைகளின்
மணிகளைக் கோத்த மலைப்பாம்பு கச்சாகவும் விளங்கின.நீவி - ஆடை,
கொய்சகமும் ஆம்.                                             14