எழுமேக உருவன் இலை கொள் வேல் அடல் இராமன் - மேல்
எழுகின்ற நீருண்டது போன்ற மேகத்தின் நீல நிறமுடையவனாகிய அரசிலை
போன்ற நுனியுடையவேலேந்திய வலிய இராமன்; சிலை கொள் நாண்
நெடிய கோதை ஒலிஏறு - வில்லிற் கொண்டநீண்ட கயிற்றின் மிக்க
ஒலியானது; திரைநீர் மலைகள் நீடுதலம் நாகர் பிலம் வானம்முதலாம்
உலகம் ஏழும் - அலைகள் கூடிய கடலின் நீரும் மலைகளும் சூழ்ந்த
நீண்ட நிலவுலகமும்நாகர் வாழும் பாதலமும் சுவர்க்க லோகமும் முதலாகிய
ஏழு உலகங்களும்; உரும் ஏறு என ஒலித்துஉரற - பேரிடி ஏறு போலப்
பெருமுழக்கம் உண்டாக்க; ஏ - ஈற்றசை.

     இராமன் எறிந்த வில்லின் நாணொலி ஏழு உலகங்களிலும் இடி ஏறு
போல ஒலித்தது. வேல்படைகொண்டு போவதும் தமிழ் மரபு பற்றிக் கூறி
ஏனைப் படைகளையும் பெறவைத்தார். மேல் உலகம்ஏழாவன: பூலோகம்,
புவலோகம், சுவலோகம், மகாலோகம், சனலோகம், தபோலோகம்,
சத்தியலோகம். கீழேழு உலகம்: அதலம், விதலம், சுதலம், தராதலம்,
இரசாதலம், மகாதலம்,பாதாளம். உரற - எதிரொலிக்க.                23