வட்டம் இட்ட கிரி அற்று உக - விராதன் எறிந்த சூழ்ந்து வரும்
மலைகள் பிளவுபட்டு விழுமாறு; (இராமன்) வயங்கு வயிரக் கட்டு
அமைந்த கதிர்வாளி எதிரே கடவலால் - விளங்குகின்ற உறுதியான
கட்டுப் பொருந்தியஒளிமிக்க அம்புகளை (விராதனுக்கு) எதிராக எய்தலால்;
விட்ட விட்ட மலை மீள - (அவன்) மேன்மேல் எறிந்த மலை எல்லாம்
திரும்பவும்; அவன் மெய்யில் - விராதன்உடலில், விசையால் பட்ட
பட்ட இடம் எங்கும் உடல் ஊறு படலும் - வேகத்தோடுஎறிப்பட்ட
இடங்களில் எல்லாம் உடம்பு காயம் பட்ட அளவில்.

     ‘வட்டமிட்ட’ என்ற தொடரை வாளியுடன் சேர்ப்பதும் உண்டு. பட்ட
பட்ட - மிகுதிபற்றிஅடுக்கு வந்தது. விராதன் எறிந்த மலைகள் இராமன்
அம்பினால் திரும்பி அவனையே காயப்படுத்தின.ஊறு - புண்.         29