விராதனைப் புதைக்க அவன் சாபம் நீங்கி விண்ணில் தோன்றல்

    மீளி மொய்ம்பினர் - வலிய தோளுடைய இராமலக்குவர்; விசையால்
வெகுண்டு வடிவாள் கொடு தோள் இரண்டும் துணித்து -வேகத்தோடு
சினந்து தம் வடித்த கூரிய வாளைக் கொண்டு அரக்கனின் இரு
தோள்களையும்வெட்டி; குதித்தலும் - கீழே தாவிக் குதித்தலும்; புருவத்
தேள் இரண்டும் நெரிய -(விராதனின்) புருவமாகிய தேள் இரண்டும்
நெரியும்படி சினந்து; சினவு செங்கண்அரவக்கோள் - கோபத்தால் சிவந்த
கண்களை உடைய இராகு எனும் கிரகம்; இரண்டு சுடரும்தொடர்வதின்
குறுகலும் - சந்திரன் சூரியன் எனும் இரண்டு சுடர்களையும் பற்றத்
தொடர்வதுபோல நெருங்கி வரலும்,

     மீளி மொய்ம்பினர் - கூற்றுவன் போலவலிமையுடையவர் எனலுமாம்.
கொடுக்கும், அடர்ந்த பலகாலும் கொண்ட தேளைப் புருவமாக உருவகம்
செய்யப் பெற்றுள்ளது, விராதன் இராகு போல இராமலக்குவர் எனும் இரு
சுடர்களைப் பற்ற வரும்உவமை புராண மரபில் புனையப்பட்டுள்ளது. இது
இல்பொருளுவமை.                                             42