(அந்த அரக்கர்கள்) சூலம் வாள் மழு தோமரம் சக்கரம் கால
பாசம் கதை பொரும் கையினார் - சூலம் முதல் கதை வரையுள்ள
போர்ப் படைகளால் போர் செய்யும் கைகளையுடையவர்கள்; வேலை
ஞாலம் - கடல் சூழ்ந்த இவ்வுலகத்து உயிர்கள் யாவும்; வெருவுறும்
ஆர்ப்பினார் - அஞ்சத்தக்க ஆரவாரம் உடையவர்கள்; ஆலகாலம்
திரண்டன்ன - ஆலகாலம் என்ற நஞ்சு உருவெடுத்து வந்தாற்போன்ற;
ஆக்கையார் - உடலையுடையவர்கள்.

     கையினார், ஆர்ப்பினார், ஆக்கையார் 'ஏழினோடு ஏழனார்' என்ற
அடைமொழியோடு (2884) கூட்டுக. சூலம் - முத்தலைவேல்; மழு - கோடரி;
தோமரம் - இரும்புலக்கை; காலபாசம் - கயிற்றாலான ஒரு போர்க்கருவி;
கதை - தண்டாயுதம் ஆலகாலம் - கரிய நிறத்திற்கும் கொடுஞ்செயலுக்கு
உவமை. ஞாலம் - ஆகுபெயர்.                                 11